करिब ११ क्वीन्टल पटाखा (भटक्का) बरामद

सर्लाही,१७ कार्तिक । प्रदेश नं. २ को सर्लाहीबाट प्रहरीले करिब ११ क्वीन्टल पटाखा (भट्टका) नियन्त्रणमा लिएको छ ।

दशै, तिहार र छठ पर्वलाई अवसर पारी सर्लाही जिल्लाको बिभिन्न सिमावर्ति नाकाहरु भएर भारतबाट नेपाल तर्फ बिभिन्न किसिमका पटाकाहरु ओसारपसार हुँदै आएको विशेष सूचनाको आधारमा प्रहरीले १० क्वीन्टल ८८ किलो पटाखा नियन्त्रणमा लिएको हो ।

सर्लाहीको बलरा नगरपालिका वडा नम्बर ८ स्थित सार्वजनिक सडकबाट पालले टेलरको भाग छोपी राखेको अवस्थामा ज.१ त २१७६ नम्बरको टेलर साहितको सोनालिका ट्याक्ट्ररबाट अठईसा, झिरझिरे, राधाचक्र लगायतका बिभिन्न किसिमका १० क्विन्टल ८८ किलो ग्राम पटाखा बरामद गरेको हो ।

ईलाका प्रहरी कार्यालय गडहियाको गस्ती टोलीले सो पटाखा बरामद गरेको जिल्ला प्रहरी कार्यालयका प्रहरी उपरीक्षक (एसपी) संतोष सिंह राठौरले जानकारी दिए ।

प्रहरीले भारतसँग सिमाना जोडिएको सिमावर्ति नाकाहरुमा गस्ती पट्रोलिङ बढाउनुको साथै आकस्मिक चेकजाँच लगायतका डिउटी परिचालन गरिएकोले उक्त परिमाणको पटका बरामद गरिएको एसपी राठौरले बताए।

“सर्लाहीमा हाल सम्मैकै यो ठुलो परिमाणको विष्फोटक पदार्थ बरामद गरिएको हो, बिष्पोटक पदार्थ सम्बन्धि कसूरमा थप अनुसन्धान कार्य पनि भैरहेको छ ।” एसपी राठौरले भने ।