जन्मदिनमा नगरवासीलाई युवा नेता यादवको उपहार, नगरवासीलाई फ्रि मै घरको नक्सा

न्यूज ब्यूरो, सप्तरी । सप्तरीको एक पालिकालाई एक नीजी ईन्जिनीयरिँग कम्पनीले फ्रि (निःशुल्क) मा घरको नक्साहरु बनाईदिने घोषणा गरेको छ ।

सप्तरीको बिष्णुपुर गाउँपालिकावासीको लागि जय सूर्य कन्सल्टेन्ट प्रा.लि. ले निःशुल्कमा नक्साहरु बनाईदिने घोषणा गरेको हो । कम्पनीका सँचालक एवम् युवा नेता सत्येन्द्र यादवले आफ्नो फेसबुक मार्फत त्यस्तो घोषणा गरेका हुन् ।

उनले आफ्नो जन्मदिनको अवसर पारेर जय सूर्य कन्सल्टेन्ट प्रा लि राजविराज द्वारा संचालित कम्पनीले विगत लामो समयदेखि पत्रकार मिडियाकर्मीलाई निःशूल्कमा परामर्श सहित घरको नक्सा बनाएर सेवा दिइरहेको उल्लेख गरेका छन् ।

प्रदेश नम्बर २ को सप्तरी जिल्लाको बिष्णुपुर गाउँपालिका वडा नं. ७ मा जन्मेका ईन्जिनीयर यादवले जन्मदिनकै अवसर पारेर सम्पूर्ण विष्णुपुर गाउँपालिकावासीलाई शुक्रबारदेखि नै निःशुल्क परामर्श सहित घरको नक्सा पनि निःशुल्क नै बनाईदिने घोषणा गरेका छन् । यसका साथै ड्राविँग समेत निःशुल्कमै बनाईदिने घोषणा गरेका हुन् ।

उनले आफ्नो जन्मथलोलाई शहर बनाउदे उदेश्य सहित विष्णुपुर गाउँपालिकाका बासिन्दालाई अबदेखि बिना नक्साको कुनै पनि घर नबनाउन आग्रह समेत गरेका छन् । उनले अन्य ठाउँमा नक्साको लागि रकम तिर्ने भएको कारण नक्सा नै नबनाई कानुन विपरित घरहरु बनाउने गरेकोमा अब निःशुल्कमै नक्सा बनाएर घर बनाउन आग्रह गरेका हुन् ।

यसका साथै, यादवले विष्णपुर गाउँपालिका सहित अन्य स्थानीय तहहरुमा समेत निःशुल्क सेवा दिने प्रयासमा रहेको जानकारी दिएका छन् ।

कम्पनीमा सिभिल ईन्जिनीयरको तर्फबाट ईन्जीनीयर सँजीव नारायण यादव, अन्जु यादवले आरटिटेक गरी सघाउँछिन भने भूपेन्द्र मिश्रले स्केच गरी कम्पनीलाई सहयोग सहित आम नागरिकलाई सहयोग पुरयाउँदै आएका हुन् ।