छोरी र नातीनीलाई ६ महिनादेखि बलात्कार गर्दै आएको आरोपमा बाबु पक्राउ

न्यूज ब्यूरो, बारा । छोरी र नातिनीलाई ६ महिना देखि लगातार करणी गर्दै आएको आरोपमा एक बाबुलाई बारा प्रहरीले पक्राउ गरेको छ ।

बाराको प्रसौनी गाउँपालिका बस्ने अन्दाजी २७ बर्षिय छोरी र १२ बर्षिय नातिनीलाई बुवाले जबरजस्तीकरणी गर्दै आएको आरोपमा सो पुरुषलाई पक्राउ गरिएको प्रहरीले जनाएको छ ।

ईलाका प्रहरी कार्यालय प्रसौनीका प्रहरी निरिक्षक ओम प्रकाश यादव सहितको टोलीले ४५ बर्षिय बुवा फरार रहेको अवस्थामा पक्राउ गरेको थियो ।

पिडित अन्दाजी २७ बर्षिय छोरीको श्रीमानको करिब तीन बर्ष पहिले बैदेशिक रोजगारबाट फर्केपछि उनको मृत्यु भएको थियो । पिडित पक्षले उजुरी लिएर मुद्दा दर्ता गराउन जिल्ला प्रहरी कार्यालय कार्यालय बारा पुगेका छन् ।

जिल्ला प्रहरी कार्यालय बाराका प्रहरी निरिक्षक सुरेन्द्र यादबले मुद्धा दर्ताको प्रक्रियामा रहेको बताए । पिडितसँग अहिले सोधपुछ हुन बाँकी रहेकाले यथार्थ विवरण सोधपुछपछि मात्र दिन मिल्ने जानकारी दिए ।