जनकपुरबाट ईन्सपेक्टर कटवालले समाते १६ लाख बढीको सुन

न्यूज ब्यूरो, जनकपुरधाम । सशस्त्र प्रहरीका प्रहरी ईन्स्पेक्टर शम्भु कटुवालले जनकपुरबाट १६ लाख बढीको सुन पक्राउ गर्न सफल भएका छन् ।

काठमाडौंबाट अबैध रुपमा चोरी पैठारी गरी भारत लैजादै गर्दा जनकपुरको भ्रमरपुरा चौकबाट बिशेष सुचनाको आधारमा शसस्त्र प्रहरीले गाडि सहित सुन पक्राउ गरेका छन् ।

पक्राउ गरेका सुन २ सय ग्राम रहेको र त्यसको बजार मुल्य १६ लाख २३ हजार ८ सय रहेको छ । त्यस्तै सुन ओसार्न प्रयोग गरेको बा १० च ३५६८ नम्बरको इको भ्यान समेत पक्राउ गरेको हो । सुन सहित गाडिको अन्दाजी मुल्य करिब ३१ लाख २३ हजार ८ सय रुपैया रहेको शसस्त्र प्रहरीले जनाएको छ ।

आईतबार दिउँसो करिब १ः४५ बजेको समयमा शसस्त्र प्रहरी बल नेपाल, धनुषा ८ नम्बर गणबाट शसस्त्र प्रहरी निरीक्षक शम्भु कटवालको कमाण्डमा खटिएको टोलीले उक्त सुन र गाडि पक्राउ गरेको शसस्त्र प्रहरीले जनाएको छ ।

पक्राउ परेका गाडि चालक महोत्तरी जिल्ला बलबा नगरपालिका वडा नम्बर ४ वर्ष ३४ को राम चन्द्र साह रहेको छ ।

केहि दिन अधि मात्रै बिदेह नगरपालिकाको ठाढिबाट बोर्डर आउट पोष्ट महिनाथपुरको प्रहरी निरिक्षक दिलेन्द्र खत्रीको कमाण्डमा गएको टोलीले बिशेष सुचनाको आधारमा १५ किलो गाँजा र आधा किलो चाँदी पक्राउ गरी भन्सार बुझाएको थियो ।