बोर्डरमा ईन्सपेक्टर खत्रीको कडा निगरानी, भारी मात्रामा ड्रग्स बरामद

न्यूज ब्यूरो, जनकपुरधाम । सशस्त्र प्रहरीले नेपाल भारत सीमा क्षेत्रमा कडा निगरानी बनाएको छ । सीमा सील भएको अवस्थामा आवतजावत सहित अपराधिक गतिविधि रोक्नको लागि निगरानी बढाएको हो ।

सोही क्रममा मँगलबार धनुषाको दुहबी नाकाबाट मँगलबार भारी मात्रामा लागुऔषध बरामद गरेको छ । बिओपी महिनाथपुरका प्रहरी नीरिक्षक (ईन्सपेक्टर) दिलेन्द्र खत्रीको कमाण्डमा गएको शसस्त्र प्रहरी टोली भारी मात्रामा लागुऔषध बरामद गरेको हो ।

भारतबाट नेपाल तर्फ ल्याउँदै गरेको अवस्थामा लुसिन १८२० पिस तथा डाईजोफाम ३२५ पिस बरामद गरिएको हो । मँगलरबार अपरान्ह ४ बजेको समयमा बोर्डरमा गस्तीमा रहेको ईन्स्पेक्टर खत्री कमाण्डको टीमलाई देखेर भारततर्फ नै भागेको बताईएको छ ।

न्यूज ब्यूरोसँगको कुराकानीमा ईन्सपेक्टर खत्रीले नेपाल भारत सीमा क्षेत्रमा हुने अपराधिक गतिविधि न्यूनिकरण गर्नको लागि सशस्त्र प्रहरीले कडा निगरानी बनाएको बताए । उनले भने,–“महिनापुर शसस्त्र प्रहरी बलले निगरानी बढाएको छ । हामी अहिले बोर्डरमा कडाई पनि गरेका छौं ।”

मँगलबार बरादम गरेको भारी मात्रको ड्रग्सको मूल्य नेपालमा ५ लाख रुपैयाँ बढी रहेको उनले बताए । धनुषाको विदेह नगरपालिका वडा नं. २ दुहबी नाकाबाट नेपाल ल्याउँदै गर्दा प्रहरीलाई देखेपछि लागुऔषध फालेर भागेका थिए ।

गत असोज १८ गते मात्र ईन्सपेक्टर दिलेन्द्र खत्रीको विशेष टोलीले महिनाथपुर बोर्डरबाट १५ किलो गाँजा पक्राउ गरेको थियो ।

धनुषाः महिनाथपुर बोर्डरबाट १५ किलो गाँजा पक्राउ