जनकपुरका गायक रुद्रसेन विश्वकर्माको देशभक्ति गीत 'हाम्रो प्यारो नेपाल' चर्चामा

न्यूज ब्यूरो, जनकपुरधाम । प्रदेश नं. २ को धनुषा जिल्लाका चर्चित गायक एवं संगीतकार रुद्रसेन विश्वकर्माको देशप्रती समर्पीत ‘हाम्रो प्यारो नेपाल’ बोलको राष्ट्रभक्ति गीतको म्युजिक भिडियो सार्वजनीक भएपछि चर्चा पाएको छ ।

रुद्रसेन क्रियसनले निर्माण एवं उत्पादन गरेको म्युजिक भिडियो गायक विश्वकर्माकै अफिसियल युट्युवबाट सार्वजनीक भएको छ । धनुषाको लालगढ निवासी गायक विश्वकर्माको देशप्रतिको माया र भक्तिले भरिएको गीतमा विभिन्न व्यक्तित्वहरुको अभिनय पनि रहेको छ ।

प्रदीपकुमार रसाइलीको निर्देशनमा रहेको म्युजिक भिडियोमा चर्चित अभिनेता दिलिप रायमाझी, सुभाष प्रसाद गजुरेल, रमेश प्रसाईं, टेक वाइवा लामा, रूद्रसेन विश्वकर्मा, पुजन घिमिरे, रश्मी भट्ट, झोटन मेहेता, सविना लामा , रविना लामा, किरन भुजेल, सुनिल कटुवाल, अन्नु चौधरी, राधिका रसाईली, ईश्वर बल्लभ उप्रेती, दिनेश कुमार कठायत, अलिना देउजा, टेक लामगादे, पवण बरा इली, युनिका रसाईली, लगायतका चर्चित कलाकारहरुको दमदार अभिनय रहेको छ ।

अमृत चापागाईँले सम्पादन गरेको भिडियोको निमार्ण नीरकुमारी विश्वकर्मा (सविना) एवं छायांकन पवन बराईलीले गरेका हुन् ।

रुद्रसेन विश्वकर्माकै शब्द र संगीतमा गायक विश्वकर्मा र छाया रुचालको स्वर रहेको छ । मनको राजा एल्बमबाट एकाएक चर्चामा आएका गायक विश्वकर्माले त्यो एल्बममा पनि देशभक्ति गीत दिएर चर्चा पाएका थिए ।

हाम्रो प्यारो नेपाल गीतको बोलमा झल्काईएको देशप्रतिको माया र देशभक्तिमा पत्रकारसम्म पनि भिडियो अभिनय दिएका हुन् ।