बजारमा बढी बट्टी लिए कार्वाहीको चेतावनी

न्यूज ब्युरो ||
धनुषा, २५ माघ ।
समुदायिक बजारमा तोकिएको भन्दा बढी बट्टी लिए कारवाही गर्ने भएको छ ।

धनुषाको शहिदनगर नगरपालिकाका मेयर उदय कुमार बरबरियाले बजार अनुगमन गर्दै बढी बट्टी लिने ठेकेदारलाई कारवाही गर्ने जनाएको छ ।
गरिब किसानहरुले दिनरात मिहिनेत गरी उब्जाएको अन्न, तरकारीहरु टाउकोमा भारी बोकी बजारसम्म ल्याएर सर्वसाधारणलाई सहजता प्रदान गरेपनि बजार ठेकेदारले मनोमानी ढँगबाट बट्टी उठाउने गरेको गुनासोको आधारमा यदुकुहा बजार अनुगमन गरिएको हो ।

यदुकुहा वडा नं. ३ मा बर्षौदेखि लाग्दै आएको समुदायिक बजारमा मेयर बरबरिया ,न्यायीक समितिका सदस्य उपेन्द्र कुमार ठाकुर, वडा अध्यक्ष नागेन्द्र प्रसाद मन्डल, वडा सदस्य सुशील कुमार साह स्थानीय युवा राजेश यादब,कपिल शाह,मनोज यादव,राकेश चन्द ले बजारमा बट्टी बढी लिरहेको जनगुनासो बारम्बार आएपछि सो लाई नियन्त्रण गर्ने उदेश्यले उक्त बजारमा अनुगमन गर्ने क्रममा पसलेहरु संग बढि रुपैया समेल लिएको स्थानीय व्यपारीहरुको आरोप रहेको छ ।

प्रत्येक टाईरगाडा तरकारीको बटि ५० रुपैया निर्धारण गरेको भएपनि ठेकेदारले १०० रुपैया लिएकोले स्थानीय व्यपारीले तत्काल मेयर बरबरियाको समक्ष गुनासो आएपछी तत्कालै ठेकदारलाई बढी रुपैया फिर्ता समेत गराए ।

मेयर बरबरियाले व्यपारीहरुलाई भने, आज देखि बढि बट्टी बढी लिए सिधै मलाई सम्पर्क गर्नुहोला, म हेर्छु ।

ठेकेदारले बढी बटि असुली गरे कारबाही समेत गर्न बताए ।