जनकपुर: ट्रीपर व्यावसायीद्वारा महेन्द्रनगरमा चक्काजाम

न्यूज ब्यरो, जनकपुरधाम । धनुषाको महेन्द्रनगरमा ट्रीपर व्यावसायीहरुद्वारा विगत २ घण्टादेखि बिछ सडकमै ट्रीपर लगाएर चक्काजाम गरेका छन ।

क्षिरेश्वरनाथ नगरपालिका वडा नम्बर ५ महेन्द्रनगर बजार क्षेत्रमै ट्रीपर लगाएर चक्काजाम गरेका हुन । उनिहरुले आफुहरु ट्रीपर चलाए वापतको कर तिरेको भएपनी नगरपालिकाले ट्रीपर चल्न नदिएको भन्दै चक्काजाम गरेका हुन ।

व्यावसायीहरुले आफुहरु सरकारलाई एक ठाउँमा कर तिरेको दावी गर्दै हरेक नगरपालिकामा कर नतिर्ने बताएका छन । भने, क्षिरेश्वरनाथ नगरपालिकाका नगर प्रमुख योगेन्द्र पन्जियारले कर नतिरेको भन्दै ट्रीपर रोकेको बताएका छन ।

व्यावसायीहरुले कर तिरेको रसिद देखाए मात्र ट्रीपर जान दिने अडानमा रहेका छन । उनले कर तिरेको भए रसिद देखाउन कुनै कठिनाइ नहुने औल्याउँदै एउटै आर्थिक वर्षको कर तिरेर चालू आर्थिक वर्षमा ट्रीपर चलाउन नदिने अडानमा रहेका छन ।

१५/२० वटा ट्रीपर बीच सडकमै लगाएर चक्काजाम गरेपछि आम नागरिकको आवतजावत पनि प्रभावित भएको छ ।