चर्चित गायिका अंतरा र अमरको नयाँ म्युजिक भिडियो सार्वजनिक

न्यूज ब्यूरो, जनकपुरधाम । चर्चित गायिका अंतरा सिंह र गायक अमर रकद्वारा गाइएको नयाँ म्युजिक भिडियो सार्वजनिक भएको छ ।

अंतरा र अमरको आवाजमा रहेको ‘परसादी नियन बबुनी बाँटा जइबु’ गीतको म्युजिक भिडियो आइतबार सार्वजनिक भएको हो । फोरके क्वालिटीमा निर्मिण उक्त गीतको म्युजिक भिडियो ‘एआर मोसन पिक्चर’ नामक युट्युब च्यानलमा रिलिज गरिएको छ ।

यस गीतमा स्वर दिएकी गायिका अंतरा कयौं भोजपुरी भाषाका गीतमा स्वर दिइसकेकी छिन् । अंतरा भोजपुरी संगीत क्षेत्रमा नयाँ पुस्ताको एउटा चर्चित र मन पराउँदा नाम हो । यस्तै, गायक अमरको भने भोजपुरी भाषाको यो गीत पहिलो हो । यसअघि उनले दुइवटा मैथिली गीत गाएका थिए ।

पर्याप्त र आवश्यक लगानीका साथ संगीत क्षेत्रलाई नयाँ उचाई दिन होमिएका अमरको यसअघिका गीतहरु पनि श्रोता तथा दर्शकहरुले खुबै मन पराएका थिए । आफ्ना गीतहरु अरु जस्तै नभई अरुभन्दा फरक र नयाँपन आभाष दिलाउने खालका भएकाले श्रोताले यो म्युजिक भिडियोलाई पनि उस्तै माया दिनेमा अमर विश्वस्त छन् ।

यस गीतको म्युजिक भिडियोमा स्वयं गायक अमर र अंजली अधिकारीको अभिनय रहेको छ । उमालाल यादवले लेखेका यस गीतमा संतोष राज सहनीले संगीत सजाएका छन् ।

गीतको म्युजिक भिडियोमा निर्देशन भने रियान कार्कीको रहेको छ ।