फोरम राजपाबीच मिलेन बाँडबखडा, बैठक निष्कर्षविहिन
न्यूज ब्युरो || जनकपुरधाम, २३ माघ । मँगलबार अबेर साँझसम्म बसेको राजपा फोरमबीचको बैठक निष्कर्षविहिन भएको छ । फोरम र राजपाबीच नेतृत्वको लागि बाँडबखडा नमिलेपछि बैठक निष्कर्षविहिन भएको जनाइएको छ । प्रदेश नं. २ को सरकारको नेतृत्वलाई मूर्तरुप दिन बसेको संघीय समाजवादी फोरम नेपाल र राजपाको सँयुक्त बैठक बसेक
२०७४ माघ २३ मंगलबार, राति १०:३१ बजे१ मिनेट पढाइ
न्यूज ब्युरो ||
जनकपुरधाम, २३ माघ । मँगलबार अबेर साँझसम्म बसेको राजपा फोरमबीचको बैठक निष्कर्षविहिन भएको छ ।
फोरम र राजपाबीच नेतृत्वको लागि बाँडबखडा नमिलेपछि बैठक निष्कर्षविहिन भएको जनाइएको छ ।
प्रदेश नं. २ को सरकारको नेतृत्वलाई मूर्तरुप दिन बसेको संघीय समाजवादी फोरम नेपाल र राजपाको सँयुक्त बैठक बसेको थियो ।
दुवै दलबीच सरकारको नेतृत्व, मन्त्रालय बाँडफाँडलगायत विषयमा सहमति हुन नसकेका कारण वार्ता निष्कर्षमा पुग्न नसकेको बुझिएको छ ।
प्रदेश नं २ मा सङ्घीय समाजवादी फोरम नेपालको २९, राष्ट्रिय जनता पार्टीको २५, नेकपा ९एमाले०को २१, नेपाली काँग्रेसको १९, नेकपा ९माओवादी केन्द्र० को ११, नेपाल सङ्घीय समावादी पार्टीको एक र स्वतन्त्र एक सांसद छन् ।
बैठकमा सहभागी राष्ट्रिय जनता पार्टीका अध्यक्ष मण्डलका सदस्य अनिलकुमार झाले चाँडै नै पुनः वार्ता गरी यस बिषयलाई निष्कर्षमा पु¥याइने बताउनुभयो ।
बैठकमा फोरमबाट अध्यक्ष उपेन्द्र यादव, नेताद्वय रेणु यादव र लालबाबु राउत गद्दी तथा राष्ट्रिय जनता पार्टीबाट अध्यक्ष मण्डलका संयोजक महन्थ ठाकुर, सदस्यहरु शरत्सिहं भण्डारी, राजेन्द्र महतो, महेन्द्र यादव र अनिल झाको सहभागिता थियो ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…