६ वटा पायल सहित सुनचाँदीको गहना चोरी गरी खरिदबिक्री २ जना पक्राउ

न्यूज ब्यूरो, जनकपुरधाम । जनकपुरबाट एक जनाको घरमा चोरी गरी गर गहनाहरु चोरी गरी बेच्ने दुई जनालाई पक्राउ गरिएको छ ।

जिल्ला प्रहरी कार्यालय धनुषाका अनुसार गत असोज १ गते साँझ करिब ७ बजेको समयमा जनकपुरधाम उप–महानगरपालिका वडा नं. ६ वस्ने मनोज कुमार तिवारीको डेराबाट विभिन्न गर गहनाहरु चोरी गरी विक्री गरेका दुई जनालाई पक्राउ गरी सार्वजनिक गरेका हुन् ।

पक्राउ पर्नेहरुमा धनुषाको क्षीरेश्वरनाथ नगरपालिका वडा नं. १ बस्ने अन्दाजी बर्ष २५ को जिवछ यादव रहेका छन् । यसका साथै चोरी गरिएको समान किन्ने सुनचाँदी पसलका सँचालनक समेत पक्राउ परेका छन् ।

चोरी गरी यादवले धनुषाकै क्षीरेश्वरनाथ नगरपालिका वडा नं. ६ स्थित रहेको न्यु शिवं ज्वलर्सका सँचालक लक्षमण महतोलाई समेत पक्राउ गरिएको छ । उनलाई सुन चाँदी पसलमा चोरी गरी ल्याएको सुन चाँदीका गरगहनाहरु उनकै पसलमा बिक्री गरेको बयानको आधारमा पसल धनी लक्षमण महतो संग सोधपुछ गर्दा उनले चाँदीका पाउजु ६ थान, चाँदीका पलेट थान–३ गरी जम्मा ३९ तोला चाँदीका सरसमानहरु विक्री गरेको पुष्टि गरेपछि सोधपुछको लागि महतोलाई पनि नियन्त्रणमा लिएको हो ।

बयानको आधारमा तत्कालै कानुनी रितपुर्‍याई पसलमा खानतलासी गर्दा सो पसलबाट मनोज कुमार तिवारीको डेराबाट चोरी गरी ल्याई विक्री गरेको चाँदीका गरगहनाहरु चाँदीको पाउजु ६ थान र चाँदीको पलेट ३ थान फेला परे पछी रित पुर्वक बरामद गरी निज जिवछ यादव र लक्ष्मण महतो समेतलाई पक्राउ गरी थप अनुसन्धान अगाडी बढाएको हो ।