जनकपुरः अघोरी बाबाले कुल्हाडी प्रहार गरेपछि एक वृद्ध गम्भिर, १२ टाँका लगाइए

न्यूज ब्यूरो, जनकपुरधाम । प्रदेश नं. २ को अस्थायी राजधानी जनकपुरदेखि केही दुरीमा रहेको धनुषाको नक्टाmिझझमा अघोरी बाबाले एक बृद्धलाई गम्भिर घाईते बनाएको छ ।

धनुषाको मिथिला नगरपालिका वडा नं. २ नक्टाझिझ बस्ने अन्दाजी बर्ष ६२ का राज कुमार महतोलाई घाईते बनाएका हुन् । उनलाई घाँटीमै कुल्हाडी (बँचरो) प्रहार गरी घाईते बनाएको ईलाका प्रहरी कार्यालय ढल्केवरका प्रहरी नीरिक्षक तीर्थ कार्कीले जानकारी दिए ।

बञ्चरो प्रहारबाट घाइते भएका महतोलाई घाँटीको पछाडी भाग (गर्दन) मा १२ वटा भन्दा बढी टाँका लगाउनुपरेको बताक्ष्एको छ ।

धनुषाकै क्षीरेश्वरनाथ नगरपालिका वडा नं. ८ दिगम्बरपुर घरका ४० वर्षीय तुल्सी भन्ने अघोरी बाबा केहि महिनादेखि बसही खोला किनारमा त्रिपाल झुण्ड्याएर बसिरहेको तथा मंगलबार दिउँसो महतोको खेतमा भएको बाँस अघोरीबाबा काट्दै गरेकोअवस्थामा फेला परेपछि दुबैजना बिच समान्य विवाद हुँदा बाँस काट्ने कुल्हाडीले उसको गर्दनमा प्रहार गर्दा घाईते भएको जनाइएको छ ।

कुल्हाडी प्रहार गरी अघोरी बाबा खेतैखेत भागेको तथा उनको खोजी कार्य तीव्र पारिएको प्रहरीले जनाएको छ । यता, घाईतेलाई उपचारको लागि जनकपुर ल्याइएको जनाइएको छ ।