खानेपानी सँस्थान लहानका हाकिम महिनौदेखि सम्पर्क बिहिन

न्यूज ब्यूरो, सिरहा । खानेपानी सँस्थान शाखा कार्यालय लहानका कार्यालय प्रमुख विगत कैयौं महिनादेखि उपभोक्ता सेवाग्राहीबाट सम्पर्क विहिन भएका छन् ।

लकडाउन भएपछि खानेपानीका शाखा कार्यालय प्रमुख ईन्जिनियर शिरिष राज भण्डारी खानेपानी उपभोक्ताबाट सम्पर्क विहिन भएका छन् । सिरहाको लहान नगरपालिकाको विभिन्न स्थानमा खानेपानीको पाईप फुटेपनि उनीसँग आम नागरिकले भने सम्पर्क गर्न पाएका छ्रैनन् ।

लहान नगरपालिकाको वडा नं. १ र वडा नं. ८ मा विगत १५ दिनदेखि खानेपानीको पाईप फुटेर पानी त्यतिकै खेर जानुको साथै सडक हिलाम्य भएपछि सेवाग्राही स्थानीयहरुले भण्डारीलाई खोज्दै कार्यालयसम्म जाँदा उनी नभेटाएको गुनासो गरेका छन् ।

कैयौं पटक कार्यालय धाउँदा पनि उनी नभेटेपछि उनको फोनमा सम्पर्क गर्दा समेत फोन नउठाएको गुनासो स्थानीयहरुले गरेका छन् । पानी पाईप फुटेर बाटोमै सकिएपछि कैयौं घर परिवारको घरमा पानी नपुगेको दुःखेसो पोखेको छ ।

नेविसँघका केन्द्रीय सह महामन्त्री एवम् उपभोक्ता समेत रहेका परमेशवर साह अफिस पुगेर कार्यालय प्रमुख ईन्जिनीयर शिरिष भण्डारीलाई फोन सम्पर्क गर्दा नउठाएपछि सहायक कार्यालय प्रमुख सूर्य नारायण चौधरीलाई भनेपछि उनले पनि उल्टै धम्काएको बताइएको छ ।

वडा नं. १ र वडा नं. ८ का वासिन्दा पानीको मारमा परेका छन् ।