जनकपुर: १० वर्षीय  बालिका बलात्कार आरोपमा ५५ वर्षीय पुरुष फरार !

न्यूज ब्यूरो, जनकपुरधाम । धनुषामा १० वर्षीया बालिका उपर बलात्कार भएको घटना बाहिर आएको छ ।

धनुषाको लक्ष्मीनिया गाउँपालिकाको वडा नम्बर २ का एक ५५ वर्षीय पुरुषले बालिका बलात्कार गरी फरार रहेको बताइएको छ ।

गत शनिबार दिउँसो ३ बजे पुरुषले सँचालन गर्दै आएको किराना पसलमा नजिकै खेलिरहेको बालिकालाई ललाइ फकाइ पसलमा लगेर बलात्कार गरेको आरोप लगाइएको छ ।

खेलिरहेकी वालिकालाई बोलाएर आफ्नो पसलमा पानकिङ्ग गुटका नरहेको तथा अर्को पसलबाट ल्याउन पठाए । त्यसपछि पसलमा रहेको एउटा कार्टुन छतमा राखेर आउन भनेका थिए । पीडित बालिकाले भने अनुसार, पछिपछि उनी आफूपनि गएर कोठामा थुनेर बलात्कार गरेको कुरा बुवालाई सुनाइन् ।

पछि रुदै घरमा पुग्दा सोधपुछ गर्दा वालिकाले घटना बारे बताएपछि स्थानीयबाट खबर प्रहरीले पाउने वित्तिकै घटना स्थलमा पुग्दा आरोपित फरार भएको लक्ष्मीनिया प्रहरी चौकीको सइ बनके गुरुङले बताए ।

उनले भने–“वालिकाको मेडिकल टेस्टको लागि जनकपुर पठाएको र फरार अभियुक्तको खोजी भैरहेको छ ।”

गत भदौ २१ गते जनकपुरधाम उपमहानगरपालिका वडा नं. २१ कुर्थामा समेत एक १७ बर्षिय किशोरी उपर घरमै पसेर बलात्कार भएको घटना बाहिरीएको हो ।