सुन, चाँदीको गहनामा प्रयोग साढे १० लाख रुपैयाँको रसायन सहित २ पक्राउ

न्यूज ब्यूरो, जनकपुरधाम । सुन चाँद लगायतका गर गहनामा प्रयोग हुने रसायन धातु सहित २ जनालाई प्रहरीले पक्राउ गरेको छ ।

जिल्ला प्रहरी कार्यालय धनुषाले गोप्य सूचनाको आधारमा सो धातु सहित दुवै जनालाई सोमबार विहान करिब ७ बजे उनीहरुलाई पक्राउ गरिएको जनाइएको छ । प्रहरी चौकी जनकपुरबाट सईको कमाण्ड तथा जिल्ला प्रहरी कार्यालय धनुषाको ईन्स्पेक्टरको कमाण्डमा खटि गएको सँयुक्त टोलीले जनकपुरधाम उपमहानगरपालिका वडा नं. ५ सोनारपट्टिबाट उनीहरुलाई पक्राउ गरिएको हो ।

चेकजाँच गर्ने क्रममा साईकलमा सवार जिल्ला महोतरी मठिहानी नगरपालिका वडा नं. ७ वस्ने वर्ष २० को श्याम दास र सोही ठाउँ बस्ने बर्ष २२ को मो. नुरारी लहेरीलाई खानतलाशी गर्दा सुन, चाँदीको गहनामा रसायनको रुपमा प्रयोग हुने चाँदी जस्तो देखिने सेतो रंगको धातु अन्दाजी ५० किलो जति पक्राउ गरिएको बताइएको छ ।

ती धातुको मूल्य अन्दाजी १० लाख ६२ हजार ५०० रुपैयाँ रहेको जिल्ला प्रहरी कार्यालय धनुषाले जनाएको छ । सो बराबरको समानहरु रित पुर्वक वरामद गरी साईकल सहित दुवै जनालाई नियन्त्रणमा लिई आवश्यक कार्वाहीको लागि भन्सार कार्यालय जनकपुरमा पठाईएको जनाइएको छ ।