मेयरलाई ज्यान मार्ने धम्की दिने पक्राउ

न्यूज ब्यूरो, काठमान्डौं । ललितपुरका मेयर चिरिबाबु महर्जनलाई ज्यान मार्ने धम्की दिने व्यक्ति पक्राउ परेका छन् ।

रातो मच्छिन्द्रनाथको रथयात्राको क्रममा भिडलाई उत्तेजित पारी ललितपुर महानगरपालिकाका मेयरलाई ज्यान मारिदिने धम्कीसहितको अन्तर्वाता दिएको अभियोगमा पक्राउ परेको हो ।

जिल्ला प्रहरी कार्यालय ललितपुरका अनुसार, ललितपुर महानगरपालिका न)( १३ कुसुन्ती बस्ने ४३ वर्षीय संजय शाक्यलाई आइतबार प्रहरीले पक्राउ गरेको छ ।

गत बिहीबार ललितपुर पुल्चोकमा भएको घटना सम्बन्धमा ढुङगामुढा गर्ने, उपस्थित भिडलाई उत्तेजित गराउने र ललितपुर महानगरपालिकाका मेयरलाई समेत भनी सार्वजनिक रुपमा अन्तरवार्ता दिने व्यक्तिको खोजी गर्ने क्रममा महानगरीय अपराध महाशाखाबाट खटिएको प्रहरीले शाक्यलाई उनकै घर ठेगानाबाट पक्राउ गरेको हो ।

उनलाई आवश्यक कारवाहीका लागि महानगरीय प्रहरी परिसर ललितपुर पठाइको उक्त महाशाखाले जनाएको छ ।