प्रदेश नं. २ को मुख्यमन्त्रीमा 'मो. लालबाबु राउत'

जनकपुरधाम, २१ माघ ।
संघीय समाजवादी फोरमका नेता मो. लाल बाबु राउतलाई प्रदेश नं. २ को मुख्यमन्त्रीमा निश्चित भएको छ ।

प्रदेश नं. २ को प्रथम प्रदेश सभा सकिए लगत्तै जनकपुरमा संघीय समाजवादी फोरम नेपालको बसेको बैठकबाट प्रदेश संसदीय दलको नेतामा राउतलाई सर्वसहमतिले चयन गरिएको छ ।

संसदीय दलको नेतामा राउतलाई चयन गरिए लगत्तै प्रदेशको मुख्यमन्त्री बन्ने निश्चित भएको छ ।
जनकपुरलाई प्रदेशको अस्थायी राजधानी बनाएपछि आन्दोलनमा उत्रेका वीरगँजवासीलाई समानन्तर गर्न पनि वीरगँजबाट मो. राउतलाई मुख्यमन्त्री बनाउने सम्भावना ९९ प्रतिशत बढेको देखिन्छ ।

यसअघि राजपा फोरम गठबन्धनले चुनावी प्रक्रियाबाट मुख्यमन्त्री चयन गर्न भनिएपनि विरगँजलाई मध्यनजर गर्दै पार्टीको सिटको हिसाबले पनि मो. राउत मुख्यमन्त्री बन्ने निश्चित भएको छ ।

प्रदेश सभा सदस्य राम अशिष यादवले भने, पार्टीमा राउतको लगाव र जेष्ठताको हिसाबले पनि मुख्यमन्त्रीको लागि चयन गरिएको हो ।

पार्टीका केन्द्रीय अध्यक्ष उपेन्द्र यादवले जातियताबाट उठेर राजनीति गरेको हुनाले मो. राउतलाई प्रदेश नं. २ को मुख्यमन्त्रीको लागि चयन गरिएको थपे ।
मो. राउत मुख्यमन्त्री निश्चित भएगलत्तै वीरगँजवासी सहित प्रदेश २ मा उत्साह छाएको देखिएको छ ।