एसिड अटैकको घटनामा आधारित लघु फिल्म 'अस्मिता' आउँदै

न्यूज ब्यूरो, जनकपुरधाम । पछिल्लो समय एसिड एट्याकको घटना बढीरहेका कारण नव ज्योति युवा क्लब ले हास्य टेलि शृङ्खला गामवाली टिम संग समन्वय गरि जनचेतनाका लागि अस्मिता नामक लघु चलचित्र निर्माण गरेको छ ।

किशोर–किशोरीको उमेर प्रभावले एसिड एट्याक जस्ता जघन्य अपराध समाजमा घटिरहेको अवस्थामा समाजिक र समसमायिक विषयवस्तु तथा तथ्यपरकमा आधारित भएर लघु फिल्म निर्माण गरिएको हो ।

गत बिहिवार फिल्मको छयाङ्कन सम्पन्न भएको छ भने भाद्र महिना भित्रै फिल्म रिलिज गर्ने तयारी रहेको फिल्मका निर्देशक राजेश सक्सेनाले बताए ।

वर्तमान समाजमा विभिन्न समयमा भएको एसिड अटैकका घटनाहरुलाई समाजिक अपराधको रुपमा फिल्ममा दर्साइएको जनाइएको छ । एसिड अटैक जधन्य अपराध रहेको र समाजमा यसको विरुद्ध जनचेतनात्क ढँगले प्रस्तुतिकरण गरिने जनाइएको छ ।

फिल्मको लेखन , निर्देशन राजेश सक्सेना ले गरेको छ भने फिल्ममा बरिस्ठ कलाकार रामनारायण ठाकुर , राजेश सक्सेना , सपना साह 'गामवाली' र सुनिल पाल लगायतका कलाकारहरुले अभिनय गरेको छ।