जनकपुरमा बाल सुधार गृह र महिला सेफ हाउसका निर्माणार्थ स्थलको नीरिक्षण

न्यूज ब्यूरो, जनकपुरधाम । जनकपुरमा बन्न लागेको बाल सुधार गृह र महिला सेफ हाउसको निर्माण स्थलको अवलोकन गरिएको छ ।

जनकपुरधाम उपमहानगरपालिका वडा नं. २३ स्थित रहेको जग्गामा निकट भविष्यमै बन्ने बाल सुधार गृह, सहिद पार्क र महिला सेफ हाउसको निर्माणार्थ स्थलगत अवलोकन गरिएको हो ।

जनकपुरधाम उपमहानगरपालिका वडा नं. ७ का वडाध्यक्ष जानकी राम साह, प्रदेश नं. २ का आन्तरिक मामिला तथा कानुमन्त्री ज्ञानेन्द्र कुमार यादव सहितको टोलीले सो स्थलको नीरिक्षण गरेका हुन् ।

प्रदेश सरकार द्वारा निर्माण हुने यस कार्यको पहिलो चरण अवलोकनको क्रममा मन्त्री यादव सहित सरोज सिंह, जनकपुरधामकी उप मेयर रीता मिश्र, वार्ड अध्यक्ष सत्रुधन पांडेय लगायतका व्यक्तिहरुले सँयुक्त रुपमा अवलोकन गरेको हो ।

जनकपुरमा बाल सुधार गृह र महिला सेफ हाउस बनेपछि अपराधिक क्रियाकलापमा समेत कमी आउने बुझिएको छ ।