प्रदेशसभाको प्रथम बैठक बस्दै , विरगँज बन्द

जनकपुरधाम, २१ माघ ।
प्रदेश सभाको प्रथम बैठकको केही घण्टा बाँकी रहँदा प्रादेशिक राजधानीको माग गर्दै आज पुनः विरगँज ठप्प गरिएको छ ।

बन्दको पूर्वसन्ध्यामा विरगँजमा विशाल मशाल जुलुस निकालिएको थियो । एक दिने बन्दलाई सफल बनाउनको लागि पूर्व सन्ध्यामा मशाल जुलुस निकालिएको जनाइएको छ ।
राजधानीको लागि निरन्तर आन्दोलन गर्दै आएका वीरगँज राजधानी सँघर्ष समितिले माघ २१ गतेका लागि वीरगँज बन्दको आव्हान गरेको थियो ।

संघर्ष समितिका सह–संयोजक राजकुमार गुप्ताको नेतृत्वमा वीरगन्जको घण्टाघर चोकबाट जय वीरगन्जको नारा घन्काउदै निकालिएको मशाल जुलुश नगरको विभिन्न भाग परिक्रमा गरी घण्टाघर चोक मै पुगी कोणसभामा परिणत भएको थियो ।

कोण सभालाई सम्बोधन गर्दै वक्ताहरुले २ नं. प्रदेशको आइतबार जनकपुरमा बस्ने पहिलो प्रदेशसभा बैठकबाट वीरगन्जलाई प्रादेशिक राजधानी बनाउने मांग राखि संघर्ष समितिले आइतबार एक दिने वीरगन्ज बन्दको घोषणा गरेको बताएका छन् ।

वक्ताहरुले पुर्वाधार नै नभएको जनकपुरमा प्रदशेकि राजधानी उपयुक्त नभएको भन्दै राजधानीका लागि आवस्यक सबै पूर्वाधार वीरगन्जमा रहेको दावी गरेका छन् ।

संघर्ष समितिले आह्वान गरेको एक दिने बन्दका क्रममा एम्बुलेन्स, बारुणयन्त्र, संचार प्रतिस्ठानका वाहन, पर्यटक वाहन, दुध बोकेको वाहन लगयत अतिआवश्यक सेवा वाहेकका अन्य सबै सेवा संचालनमा रोक लगाइएको समितिका सह संयोजक गुप्ताले जानकारी दिए ।

राजधानीको माग गर्दै संघर्ष समितिले विगत ३८ दिन देखि वीरगन्जको घण्टाघर चोकमा रिले अनसन गर्दै आएको छ ।