डिएसपि महतो जिल्ला तानिए, गृहमन्त्रालयबाट छानबिन हुने

न्यूज ब्यूरो, रौतहट । रौतहटको हिरासत प्रकरणमा मृत्यु भएका विजय राम चमारको गृह मन्त्रालयबाट छानविन हुने भएको छ ।

हिरासतमा रहेका बेला प्रहरी ज्यादतीले रामको मृत्यु भएको र सोको उच्च स्तरिय छानविन समिति गठन गरि छानविन गर्नु पर्ने माग हुदै आएको थियो ।

हिरासत प्रकरणको वपास्तविक तथ्य आम नागरिकमा बाहिर ल्याउन इलाका प्रशासन कार्यालय चन्द्रनिगाहपुरका उपसचिव डोगेन्द्र निरौलाको संयोजकत्वमा ३ सदस्यीय छानविन समिति गठन गरिएको छ ।

समितिमा प्रदेश प्रहरीको तर्फबाट प्रहरी निरिक्षक र रौतहट राष्टियअनुसंधान प्रमुख सदस्य रहने गरि सो समिति गठन गरिएको छ । इलाका प्रहरी कार्यालय गरुडाका प्रहरी नायब उपरीक्षक ज्ञान कुमार महतो पनि हिरासत प्रकरणमा दोषी रहेको र महत्तोलाई निलम्बन सम्मको कारवाही हुनु पर्ने चारैतिर माग हुन थालेपछि महत्तो जिल्ला प्रहरी कार्यालय गौर तानिएका छन।

गरुडाका निरञ्जन रामको घाटी रेटी हत्या भएपछि हिरासतमा रहेका ७ मध्ये विजय रामको हिरासतमा रहदा नै मृत्यु भएपछि गरुडा तनावग्रस्थ अबस्थामा रहेको छ । विभिन्न धार्मिक संघसंस्थादेखि जनप्रतिनिधिहरुले समेत प्रहरीकमाथी प्रश्न उठाइरहेका छन ।

सुरक्षाको प्रत्याभुति दिने सुरक्षा निकायको निगरानीमा रहदा समेत रामको कुटाइबाटै मृत्यु भएको भन्दै आम नागरिकहरुले सडक आन्दोलन समेत गर्दै आएका छन । यस घटनाको वास्तविक दोषीलाई तत्काल नियन्त्रणमा लिनु पर्ने स्थानियको माग रहेको छ ।