भोली प्रदेश सभाको प्रथम बैठक, कसले के गर्ने ?

जनकपुरधाम, २० माघ ।
प्रदेश नं. २ को प्रथम प्रदेश सभा बैठक भोली माघ २१ गते बस्ने भएको छ ।

जनकपुरको शैक्षिक तालिम केन्द्रमा प्रदेश सभा बैठकको लागि सम्पूर्ण तयारी पुरा भएको जनाइएको छ ।
यसैबीच, राजपा फोरम गठबन्धनको आज जनकपुरमा बसेको बैठकबाट विभिन्न निर्णयहरु गरिएको छ ।

भोली विहान ११ बजेदेखि सुरु हुने प्रदेश सभाको प्रथम बैठकमा राजपाकी केन्द्रीय महासचिव एवम् प्रदेश नं. २ की साँसद सुरिता साह सहित अभिराम शर्मा र परमेश्वर साह प्रदेश सभाको सर्वदलित बैठकमा भाग लिने निर्णय गरिएको हो ।

यसका साथै प्यानल अध्यक्षमा साँसद नवल किशोर साहलाई चयन गरिएको छ भने कार्य व्यवस्था परामर्श मस्यौदा समितिमा साँसद सुरिता साह र मनिष सुमनलाई राख्ने निर्णय गरिएको हो ।

नियमावली मस्यौदा समितिमा साँसद राम नरेश राय, डिम्पल झा र रमेश पटेललाई चयन गरिएको छ भने भोली बस्ने प्रदेश सभामा साँसद जीतेन्द्र सोनलले पार्टी गठबन्धनको तर्फबाट शुभकामना मनतव्य राख्ने जनाइएको छ ।

भोली प्रथम बैठकमा हुने निर्णयहरुको लागि जनतामा अलमलताका साथै उत्साह पनि उत्तिकै थपिएको छ ।