प्रदेश २ को सरकार गठनबारे बैठक, को बन्ला मुख्यमन्त्री ?

जनकपुरधाम, २० माघ ।
प्रदेश सरकार गठनको लागि प्रदेश नं. २ का साँसदहरु वृहत छलफलको लागि जनकपुरमा बैठक जारी राखेका छन् ।
राजपा अध्यक्ष मण्डलका ६ वटै अध्यक्ष सहित प्रदेश नं. २ को २५ वटै साँसदहरु सम्मलित बैठकबाट प्रदेश २ को सरकारको गठन तथा नेतृत्वबारे छलफल भइरहेको जनाइएको छ ।

राजपा फोरम गठबन्धनको यस बैठकबाट कसको नेतृत्वमा सरकार दिने भन्ने बारे गहन छलफल भइरहेको बताइएको छ ।
बैठकबाट सरकार गठन सहित प्रदेशको मुख्य मन्त्रीबारे समेत चर्चा चलिरहेको जनाइएको छ ।

राजपा फोरम गठबन्धनले प्रदेशमा बढी सिट ल्याएपनि मुख्यमन्त्री भन्ने फोरमबाट बन्ने लगभग पक्कापक्की देखिएको छ ।
राजपाबाट जीतेन्द्र सोेनलको नाम चर्चामा छ ।

यता, गठबन्धनकै कारण मुख्यमन्त्री उम्मेदवारी प्रक्रियाबाट चयन गर्ने श्रोतले जनाएको छ ।
सप्तरीबाट राजपाका केन्द्रीय उपाध्यक्ष नवकिशोर साह मुख्यमन्त्रीका प्रवल दाबेदार छन् भने धनुषा महोत्तरीबाट राजपाकी केन्द्रीय महासचिव सुरिता साहको नाम पनि चर्चा लिएको छ ।

सच्चयाइएको
यसअघिको समाचारमा साँसद जीतेन्द्र सोनल फोरमबाट नाम चर्चामा छ भनेर लेख्न गएकोमा सच्चाइएको छ ।
असरको लागि क्षमाप्रार्थि छौँ ।