जनकपुरः पोखरीमा पुरुष मृत फेला

न्यूज ब्यूरो, जनकपुरधाम । जनकपुरमा आज विहानै एक पुरुष मृत अवस्थामा फेला परेका छन् । जनकपुरधाम उपमाहानगरपािलका वडा नं. ९ स्थित गोरधोई पोखरीमा एक पुरुषको मृत र तैरिरहेको अवस्थामा फेला परेका हुन् ।

शनिवार (आज) बिहानै स्थानियहरुले ती पुरुषलाई गोरधोई पोखरीको दक्षीण तर्फ रेलवे लाईनको विचमा रहेको पोखरी किनारमा मृत अवस्थामा देखेपछि प्रहरीलाई खबर गरेको थियो ।

अन्दाजी ३१ वर्षीय ती पुरुषको पहिचान खुल्न नसकेको जिल्ला प्रहरी कार्यालय धनुषाका प्रहरी नायव उपरिक्षक एवम प्रवक्ता मकेन्द्र मिश्रले जानकारी दिएका हुन् । पुरुषको शव सहित मुचुल्का उठाएर पोष्टमार्टमको लागि अस्पताल लगिएको जानकारी दिए ।

पुरुषको भने अझै सनाखत हुन सकेको छैनन । उनको मृत्यू कसरी भयो भन्ने बारे रिपोर्ट आएपछि मात्र भन्न सकिने बताइएको छ ।