जनकपुरमा होली हँगामा, निरहुवा र आम्रपालीको विशेष प्रस्तुति

जनकपुरधाम, २० माघ ।
आउँदो होलीमा जनकपुरमा होली हँगामा मनोरञ्जनात्मक कार्यक्रम हुने भएको छ ।

गत वर्ष मधेस आन्दोलन र सप्तरीको मलेठमा भएको दुःखद घटनाका कारण स्थगित गरिएको होली हँगामा कार्यक्रमलाई यो वर्ष मूर्तरुप दिने भएको छ ।
होली हँगामा कार्यक्रमको लागि भोजपुरी सिने जगतका सुपर स्टार दिनेश लाल यादव निरहुवा र अभिनय तथा रुपकी धनि मानिएकी नायिका आम्रपाली दुवेको विशेष प्रस्तुति रहनेछ ।

मैथिली, भोजपुरी साँस्कृति कार्यक्रम होली हँगामा गायक सँतोष राज, डा नवल पँजियार र विजय यादव निर्विज तथा मधुवेन्द्र रायको समेत विशेष प्रस्तुति रहने आयोजक एवम् गायक सँतोष राजले जनाए ।

आयोजक समितिले जनाए अनुसार आउँदो फागुन १७ गते होलीको उपलक्ष्यमा जनकपुरको तिरहुतिया गाछीमा हुने छ ।

गत वर्ष समेत जनकपुर होली हँगामा कार्यक्रम हुने अन्तिम चरणमा गएर मधेस आन्दोलनको क्रममा सप्तरीको मलेठमा भएको गोली काण्डको कारण टिकट फिर्ता गरिएको थियो ।
आयोजक समितिले कार्यक्रमको लागि टिकटको व्यवस्था गरिएको जनाइएको छ ।