सहिद रामवृक्ष यादवको २६ औं स्मृति विभिन्न कार्यक्रम गरी मनाइयो

न्यूज ब्यूरो, धनुषा। जनआन्दोलनका सहित रामवृक्ष यादवको २६ औं स्मृति दिवस विभिन्न कार्यक्रम गरी मनाइएको छ ।

धनुषाको बरमझियामा श्रद्धाञ्जली सभा गरी २६ औं स्मृति दिवस मनाएको हो । धनुषाको गणेशमान चारनाथ नगरपालिकामा आमा सम्पैत देवी र बुबा रामलखन यादवको कोखबाट वि.सं. २००३ मा जन्मिनु भएका यादव जनआन्दोलनको क्रममा मारिएका थिए ।

वि.सं. २०२९ सालमा नेकपा चौमको सम्पर्कमा पुग्नुभएका उहाँले २०३१ मा पार्टीको सक्रिय सदस्यता पाउनुभएको थियो । हरेक वर्ष यही दिन सङ्घर्षको भट्टीबाट जन्मिनु भएका एक वीर क्रान्तिकारी योद्धाका रुपमा उहाँलाई स्मरण गरिन्छ ।

वि.सं. २०५१ भाद्र १ गते संयुक्त जनमोर्चा नेपालले आह्वान गरेको नेपाल बन्दलाई जनकपुरबाट सफल पारेर फर्किंदै गर्दा भाद्र २ गते उहाँको हत्या गरेका थियो ।

श्रद्धाञ्ली सभाको क्रममा बोल्दै नेकपाका नेता मातृका प्रसाद यादवले रामवृक्ष यादवको स्मृति दिवसमा गणतंत्र तथा संघीयताका निम्ति उनको परिवारले गरेको अविस्मरणीय तथा अद्वितीय योगदानको चर्चा र स्मरण सधै गरिरहने बताउनुभयो ।

“यति दुःख र पिडाका बावजुद, ढ्रीडता तथा साहसका उहाँहरुले पार्टी र आन्दोलनमा खेल्नु भएको भूमिका उदाहरणीय छ ।”– उहाँले भन्नुभयो । उहाँले र उहाँको सिंगो परिवारले गरेका योगदान सम्झिएर गणतंत्र र संघीएतालाई जरादेखि नै मजबुत बनाउने अभियानमा केन्द्रित हून आग्रह समेत गर्नुभएको थियो ।

श्रद्धाञ्जली कार्यक्रममा नेकपाका नेताहरुमा केन्द्रीय सदस्य एवम् धनुषा जिल्ला ईन्चार्ज श्रवण कुमार बरबरिया, शहिदनगर नगरपालिकाका मेयर उदय कुमार बरबरिया, मातृका प्रसाद यादव सहितका नेताहरुको उपस्थिति रहेको थियो ।

सोही क्रममा बाराको कलैयामा बृक्षारोपण कार्यक्रम सम्पन्न भएको छ । राष्ट्रिय युवा संघ नेपाल बारा र अखिल नेपाल राष्ट्रिय स्वतन्त्र विद्यार्थी युनियन बाराको आयोजनामा कलैया उपमहानगरपालिकास्थित सिदेश्वर मन्दिर परिसरमा एक सय वटा विरुवा बृक्षारोपण गरिएको हो ।

बृक्षारोपण कार्यक्रममा नेकपा प्रदेश कमिटी सदस्य प्रभु यादवको प्रमुख आतिथ्यता रहेको थियो । कार्यक्रममा नेकपा बारा जिल्ला कमिटी सदस्य मुकेश साह, धुरी साह, रमेश साह, जितेन्द्र साह, मुस्लिम संगठन नेपालका चिवालय सदस्य राज महम्मद लगायतको उपस्थिति रहेको छ ।

कार्यक्रममा युवा तथा बिद्यार्थी नेता रुस्तम अंसारी, ओजेर आलम, राकेश पंडित, रमोद यादव, ब्रहमदेव कुश्वाहा, प्रभु साह, बिनोद गुप्ता, सदाम हुसेन, सुर्य बहादुर राउत, लक्ष्मी राउत, कलैया उपमहानगर पालिका १३ का वडा अध्यक्ष राजन पटेल लगायतको सहभगिता रहेको थियो ।