साम्प्रदायिकता भडकाउन खोजेपछि नरसिँह सेना विष्णु प्रताप साह पक्राउ : प्रहरी

न्यूज ब्यूरो, सप्तरी । प्रहरीले पक्राउ गरेको नरसिँह हिन्दु सेना सप्तरीका अध्यक्ष विष्णु प्रताप साहले समाजिक सदभाव र धार्मिक सहिष्णुतामा खलल पार्ने गरी शब्दहरु प्रयोग गरेपछि पक्राउ गरिएको जनाइएको छ ।

जिल्ला प्रहरी कार्यालय सप्तरीले एक प्रेस विज्ञप्ति जारी गरी साहले धार्मिक सहिष्णुतामा खलल पुर्याउने गरी फेसबुकमा लाईभ गरेपछि उनलाई पक्राउ गरिएको पुष्टि गरेको छ । साहको पक्राउपछि समाजिक सँजालमा हिन्दु मुस्लिम जस्ता शब्दहरु प्रयोग गरी सम्प्रादायिकता तर्फ मोडेको भन्दै त्यस्तो केही नरहेको प्रष्ट पारिएको छ ।

सप्तरीको सुरुङा नगरपालिका वडा नं. ६ कर्बोना टोल बस्ने एक नाबालिकालाई एक स्थानीय पुरुषले जिस्काउने कार्यलाई लिएर फेसबुकमा तोडमोड गरी धार्मिक सहिष्णुतासँग जोडिएर बयानबाजी गरेको भन्दै उनलाई पक्राउ गरिएको हो ।

सोही स्थान बस्ने ३६ वर्षीय मो. सद्रुल हकले किशोरी जिस्काउने गरेको विषयलाई लिएर गएको २५ गते दिउँसो फेसबुकमा लाइभ गरेका थिए । र सो लाइभले सामाजिक, धार्मिक सहिष्णुतामा माथि खलल पुर्याउने जस्ता शब्दहरुको प्रयोगसमेत भएको भन्दै तत्कालै उनलाई पक्राउ गरिएको विज्ञप्तिमा प्रष्टाएको छ ।

समाजिक सँजालमा केही युवाहरुले हिन्दु–मुस्लिमसँग त्यो घटनालाई जोडदै उनलाई रिहा गर्न अभियान पनि चलाएको छ । शाहले लाईभ गरेको फेसबुक भिडियोमा एक समाजिक घटनालाई धार्मिकतासँग बँग्याएको भन्दै पक्राउ गरिएको बताइएको छ ।

मो. सद्रुल हकले किशोरी जिस्काएको भन्दै उनी उपर पनि केही कारवाही गरिएको नगरिएको सन्दर्भमा जिल्ला प्रहरी कार्यालय सप्तरीले परिवारजनबाट कुनै प्रकारको उजुरी नआएको भन्दै उनलाई पक्राउ नगरिएको बताएका छन् ।

सद्रुल हकको सन्दर्भमा प्रहरीले किशोरी जिस्काएको कुरालाई अस्विकार गरेको भन्दै किशोरीको परिवारजनबाट कुनै प्रकारको उजुरी समेत नआएको प्रतिक्रिया दिएका छन् ।