जनकपुरधाम : वडाध्यक्षले बेवास्ता गरेपछि मुजेलीया प्रहरीले गरे उद्वार

न्यूज ब्यूरो, जनकपुरधाम । जनकपुरमा एक जना ८० वर्षीय बिरामी महिला सडकमा उपचारको लागि छट्पटाइ रहेकी अव्यवस्थामा वडा प्रहरी मुजेलीयाले उद्वार गरेका छन् ।

साझ ७ बजे करिब उनी जनकपुर उपमहानगरपालिका वडा नं ९ स्थित पिराडी चौकको गौरधोइ पोखरी घाटमा एक्लै छट्पटाइ रहेको देखेर मुजेलीया प्रहरीका इन्चार्ज मनिष श्रेष्ठ र असइ दिपेन्द्र यादवले ती वृद्ध महिलालाई उपचारको लागि जनकपुर प्रादेशिक अस्पतालमा पठाइएको हो ।

उनी बेवारिसे अवस्थामा छट्पटाइ रहेको अव्यवस्था देखेर प्रहरी इन्चार्ज श्रेष्ठले वडा अध्यक्ष प्रमेश्वर साहलाई सहयोगको अपिल गरे तर अध्यक्षले मैले केही गर्न नसकिने बरु यस बारे नगर प्रमुख लाल किशोर साहलाई जानकारी गराउनुस भनेपछि प्रहरीले आफ्नै सक्रियतामा ती महिलालाई उपचारको लागि अस्पताल भर्ना गराएको हो ।

बेहोस अवस्थामा रहेकोले ती वृद्ध महिलाको पहिचान खुल्न सकेको छैन् । अहिले उनको उपचार जनकपुर प्रादेशिक अस्पतालमा भइरहेको छ ।