सुशान्त सिँहको क्रेजः आलिया भट्टको 'SADAK-2' को ट्रेलर दर्शकहरुले गरे बायकट्ट

न्यूज ब्यूरो, मुम्बई । बलिवुड अभिनेता सँजय दत्त र अभिनेत्री पूजा भट्टद्धारा अभिनित फिल्म सडकको स्वीक्कल सडक-२ (SADAK-2) लाई दर्शकहरुले युटुबमै बायकट्ट गर्न थालेका छन् ।

मँगलबार फोक्स स्टारको अधिकारिक युटुब च्यानलबाट रिलिज गरिएको सडक २ को ट्रेलरलाई दर्शकहरुले साँकेतिक बायकट्ट गरेको देखिएको छ । सुशान्त सिँह राजपुतको मृत्यू प्रकरणलाई लिएर उनका फ्यानहरुले महेश भट्ट र आलिया भट्टकै कारण फिल्मलाई साँकेतिक बायकट्ट गरेको देखिएको छ ।

रिलिज गरिएको ट्रेलरमा बुधबार साँझसम्म १ लाख लाईक (पसन्द) छ भने १५ लाख डिस्लाईक (नापसन्द) गरिएको छ । कमेन्टहरुमा सुशान्त सिँह राजपूतसँगको न्याय माग्दै दर्शकहरुले आलियाभट्ट उपर निशाना कसेको देखिएको छ ।

नेपोटिज्म (नातावाद) को कारण बलिवुडले सुशान्त सिँह राजपुतलाई स्थान नदिएको तथा स्टार किडहरुले सुशान्त सिँह राजपुतलाई वेवास्ता गरको, बेईजती गरेको कारण उनले ज्यान लिएको भनेर उनका फ्यानहरुले आलिया भट्टलाई बायकट्ट गरेको देखिएको छ । १.५ मिलियन डिस्लाईक भएपछि साँकेतिक रुपमा बायकट्ट गरिएको बुझिएको छ ।

सडक फिल्म सुपर हिट भएको अवस्थामा त्यसकै स्वीक्कल त्यो पनि सँजय दत्तद्धारा नै अभिनित फिल्म सडक २ ले आलिया भट्टको कारण बायकट्ट गरिएको देखिएको छ । आगामी २८ अगस्त २०२० को डिजनी प्लस हट स्टार अनलाईन स्क्रीनमा रिलिज गरिने निर्माण पक्षले जनाएको छ । सिनेमा हलहरु अहिले बन्द हुँदा अनलाईन मार्फत नै स्क्रीन प्ले हुने जनाइएको छ ।

सुशान्त सिँह राजपुत मृत्यू प्रकरणमा पनि फ्यानहरुद्धारा विवादमा तानिएका महेश भट्टद्धारा निर्देशित यस फिल्ममा सँजय दत्त, पूजा भट्ट, आलिया भट्ट, आदित्य रोय कपुर, गुलशन ग्रोबर लगायतका चर्चित अभिनेता अभिनेत्रीहरु छन् ।