ढल्केवरका ईन्सपेक्टर कार्की र ठेकेदार सिँहको कनेक्सनले कैयौं ज्यान गयो ?

न्यूज ब्यूरो, जनकपुरधाम । धनुषाको ढल्केवरका प्रहरी निरीक्षक (ईन्स्पेक्टर) तीर्थ कार्की र नामुद ठेकेदार बिजेन्द्र सिँहको कनेक्सनले कैयौं बालबालिकाको ज्यान गएको टिकाटिप्पणी गरिएको छ ।

ईन्स्पेक्टर कार्की र ठेकेदार सिँहको कनेक्सनले खनिएको अबैद्य उत्खननका खाल्डोमा डुबेर केही दिनमै ३ जनाको ज्यान गएको छ । समाजिका सँजालहरुमा प्रहरी नीरिक्षक तीर्थ कार्कीको सेटिँगले अवैद्य रुपमा प्रावधान भन्दा बढी गहिरो खनिएको खाल्डोमा डुबेरै उनीहरुको ज्यान गएको छ ।

धनुषाको मिथिला नगरपालिका वडा नं. ६ मा क्रसर व्यवसायीले प्रहरी प्रशासनकै मिलेमतोमा त्यहाँबाट १५ देखि २० फिट गहिरोसम्म खनेर गिट्टीबालुवा झिकेका थिए। त्यो खाल्डो वर्षाको बेला पानी जमेर पोखरी जस्तै बनेको छ।

मिथिला नगरपालिकाको विभिन्न वडामा नदी र खोलाको किनार र खोलामा खनिएको अवैद्यानिक उत्खननले बनेको खाल्डोमा केही दिनमै ३ जनाको ज्यान गएको छ । ढल्केवरका ईन्स्पेक्टर तीर्थ कार्की र प्रहरी प्रशासनसँग सेटिँगमा अवैद्यानिक रुपले उत्खनन गर्दै आएका उत्खनन माफिया ठेकेदार बिजेन्द्र सिँहको अवैद्यानिक कनेक्सनले उनीहरुको ज्यान गएको टिकाटिप्पणी गरिएको छ ।

सरकारले चारफिट गहिरोसम्म खनेर मात्र गिट्टीबालुवा झिक्न ठेकेदारलाई अनुमति दिने गरेको छ। तर, अवैद्यानिक रुपमा १५ देखि २० फिटसम्म गहिरो खनेका कारण उनीहरुको ज्यान गएको छ । प्रत्येक वर्ष त्यही खाल्डोहरुमा बालबालिकाको ज्यान जाने गरेको छ ।

तर, अवैद्यानिक र कानुन विपरित रुपमा उत्खननको लागि ठेकेदार सिँहलाई ढल्केवरका ईन्स्पेक्टर तीर्थ कार्की सघाउँदै आएका छन् । प्रहरीकै नजर अगाडी अवैद्य उत्खनन हुँदा प्रहरीले कुनै प्रकारको कारवाही गर्न सकेका छैनन् । प्रहरीले चाहे एक साता भित्रै सबै यस्ता कार्यलाई रोक्न सकिन्छ तर, ईन्स्पेक्टर कार्कीको मिलामत्तोमा ठेकेदार सिँह जस्ता अन्य कैयौंको मृत्यूको व्यापार फस्टाएको छ ।

केही दिन अघि मात्र पत्रकार मुकेश ठाकुरले ठेकेदार बिजेन्द्र सिँहद्धारा अवैद्य रुपमा उत्खनन गरिरहेको अवस्थामा स्टीँग अपरेशन गर्न जाँदा उनीमाथि हमला गरिएको थियो । सो क्रममा प्रहरीलाई अघि नै जानकारी दिएर गएपछि ठेकेदारका कुण्डले मुण्डलेहरुले जानकारी पाएपछि ईन्स्पेक्टर कार्की उपर शंका उत्पन्न भएको थियो ।

कसैलाई जानकारी नभएको अवस्थामा मात्र प्रहरीलाई जानकारी गरी मदत गर्न मागेपछि केही बेरमै ठेकेदारमा कुण्डले लठैतहरु पुगेपछि प्रहरी उपर शंका उत्पन्न भएको थियो । सो घटनाकै राती पत्रकार ठाकुरको घरमा डकैती योजना तहत गराईएको बुझिएको छ ।

यद्यपी, प्रहरीले केही जनालाई घटनालाई सेलाउन प्रकाउ गरेपछि अझै डकैतहरुलाई समाउन सकेका छैनन् । सो राती पत्रकार ठाकुरको घरबाट उनले चढने मोटरसाईकल उठाएर लगेका छन् ।

केहि दिनपछि ठेकेदार बिजेन्द्र सिँहले पत्रकार ठाकुरलाई अर्को मोटरसाईकल लिन बारम्बार आग्रह गरेका थिए । प्रहरी ईन्स्पेक्टर तीर्थ कार्कीले पनि सो घटनामा खासै चासो देखाएनन भने अहिलेसम्म मोटरसाईकलको पत्तो लगाउन सकेका छैनन् ।

ठेकेदार बिजेन्द्र सिँहले अर्को नयाँ मोटरसाईकलको अफर गरेपछि उनले नै मोटरसाईकल उठाउन लगाएको शंका उत्पन्न भएको छ । ठेकेदार सिँह नेपाली काँग्रेसका गाउँघरुवा नेता हुन ।

एक साताभित्रै सुमन महतो, अनिल महतो र अनिल महतोको यीनै ठेकेदारहरुले खनेको खाल्डोमा डुबेर ज्यान गएको छ ।