बलिवुड अभिनेता सँजय दत्त अस्पताल भर्ना

न्यूज ब्यूरो, मुम्बई । बलिवुडका चर्चित अभिनेता सँजय दत्तलाई अस्पताल भर्ना गरिएको छ । उनलाई मुम्बईको लीलाबती अस्पतालमा भर्ना गरिएको छ ।

उनको स्वास्थ्यमा खराबी आएपछि उनलाई लीलाबती अस्पतालमा भर्ना गरिएको हो । जानकारी अनुसार, सँजय दत्तलाई साँस प्रश्वासमा समस्या देखिएको छ । यद्यपी, उनको कोरोना टेष्ट नेगेटिभ आएको छ ।

अभिनेता दत्तलाई कोभिड अस्पतालमा भर्ना गरिएको हो । सबै ठिकठाक रहे भोली नै उनलाई अस्पतालबाट डिस्चार्ज गरिने अस्पताल श्रोतलाई उदृत गर्दै भारतीय सँचारमाध्यमहरुले जनाएको छ ।

सँजय दत्त अहिले आफ्नो परिबारबाट केही समयदेखि टाढा बस्दै आएका छन् । लकडाउनदेखि नै उनका छोराछोरी र श्रीमति दुबईमा बस्दै आएको छ । लकडाउनका कारण भेट गर्न पाएका छ्र्रैनन भने आफ्नो परिवारका सदस्यलाई सँजय दत्त अहिले मिस गरिरहेका छन् ।