सीमा सील भएपनि तस्करी, ४ लाखको समान बरामद

न्यूज ब्यूरो, धनुषा । कोरोना रोकथामको लागि नेपाल भारतको सीमा सील गरिएपनि तस्करहरुले तस्करी गर्न छाडेका छैनन् ।

सोही क्रममा धनुषाको ठाढी झिझाबाट ४ लाख रुपैयाँ बराबरको अवैद्य समान प्रहरीले बरामद गरेको छ । आज (शनिबार) साँझ करिब ५ बजेको समयमा धनुषाको विदेह नगरपालिका वडा नं. १ ठाढी झिझाबाट सो मूल्य बराबरको समान बरामद गरेको हो ।

स्थानीय नाजिर साफीको गोठमा अवैध रुपमा भन्सार छलि समानहरु लुकाई छिपाई राखेको गोप्य सुचनाको आधारमा प्रहरी चौकी ठाडिझिझाबाट खटि गएको टोलीले सो समान बरामद गरेको हो ।

जिल्ला प्रहरी कार्यालय धनुषाको समेत सँयुक्त टोलीले छोकडा ८ बोरा र रेडिमेड कपडाको ९ थान बोरा बरामद गरेको हो । दुवै समानको मूल्य अन्दाजी ४ लाख रहेको बताइएको छ । कारवाहीको लागि भन्सार कार्यालय जनकपुर पठाएको जनाइएको छ ।