मोसाको ठक्करबाट महिला गम्भिर, काठमान्डौँ रिफर

जनकपुरधाम, १८ माघ ।

मोटरसाईकलले ठक्कर दिँदा एक महिला गम्भिर घाईते भएकी छन् ।
धनुषाको हँसपुर कठपुल्ला नजिक टेम्पोमा सवार एक अधवैसे महिलालाई मोटरसाईलले ठक्कर दिँदा सख्त घाईते भएको जनाइएको छ ।

घाईते हुनेमा धनुषा शहिदनगर नगरपालिका वडा नं. ४ बस्ने मोहन ठाकुरको श्रीमति अन्दाजी बर्ष ५५ की धर्मशिला देवी ठाकुर रहेको जनाइएको छ ।

तीव्र गतिमा आईरहेको मोटरसाईलले ठाकुरलाई टेम्पोबाट ओर्लने क्रममा ठक्कर दिँदा खुटटामा गम्भिर चोट लागेको तथा हाड भाँचिएको बुझिएको छ ।

ठाकुरलाई उपचारको लागि जनकपुर अञ्चल अस्पतालमा ल्याइएपनि यहाँबाट चिकित्सकले जवाफ दिएपछि थप उपचारको लागि काठमान्डौँ रिफर गरिएको हो ।
यता, मोटरसाईकल चालक फरार रहेका छन् भने मोटरसाईकल चालकको खोजी प्रहरीले तीव्र पारेको जनाइएको छ ।

मोटरसाईकलको नम्बर भने उपलब्ध हुन सकेनन ।