तीजमा 'ह्याण्डसम पोई' खोज्दै गायिका 'सेलिना कुँवर'

न्यूज ब्यूरो, जनकपुरधाम । तीजको रँग चढे लगत्तै गायिका सेलिना कुँवरलाई पनि तीजको रन्को छोएको छ । हिन्दु धर्मावलम्बीहरुले मनाउने तीज पर्व आउनै लाग्दा गायिका कुँवरकै स्वरमा ह्याण्डसम पोई बोलको गीत ल्याएर माहौल तताएकी हुन् ।

पछिल्लो समय चर्चित गायिकाको रुपमा उभिएकी सेलिना कुँवरलाई यतिबेला तीजको रन्कोले राम्रैसँग छोएको छ। उनको ‘यो तीजमा खोज्नु छ मलाई ह्यन्ड्सम पोइ’ बोलको तीज गीतको भिडियो सार्वजनिक भएको छ। यो गीतले अहिले बजार तताएको छ । गीतको बोल र नामले नै गीत बजारको माहौल तताउने देखिएको छ ।

बेस म्युजिक नेपाल युटुब च्यानलबाट सार्वजनिक गरिएको यो गीतमा चर्चित नायिका अञ्जली अधिकारीले मोडलिङ्ग गरेको उक्त भिडियोको हरेक पक्ष उत्कृष्ट रहेको निर्माण पक्षको दाबी छ । यद्यपी, दर्शक, श्रोताहरुले समेत यस गीतलाई गायन र शब्द रचनालाई मन पराएको छ ।

उक्त गीतको शब्द रचना अर्जुन पौडेल तथा सङ्गीत सन्तोष राजको रहेको छ । भिडियो मा निर्देशन सन्तोष राजबाहकको रहेको छ भने वरिष्ठ क्यामेराम्यान ज्ञानेन्द्र शर्मा छायाङ्कन गरेका छन् । साजसज्जामा अनिताले सघाएकी छिन् ।

हिन्दू महिलाहरूले मनाउने तीज पर्व भाद्र शुक्ल द्वितीयादेखि पञ्चमीसम्म चार दिन मनाईन्छ । तीजमा भगवान शिवको आराधना गरिनुका साथै नाचगान गर्दै मनोरञ्जन गर्ने गरिन्छ ।

मैथिली, भोजपुरी, नेपाली र हिन्दी भाषाकी गीत गाउँदै आएकी गायिका सेलिना कुँवरले यसपालीको तीज गीतले तीजको माहौललाई झन निखारिने विश्वास निर्माण पक्षको रहेको छ ।