साँसद यादवलाई पनि 'कोरोना'

न्यूज ब्यूरो, बीरगँज । जनता समाजवादी पार्टी नेपालका नेता प्रदीप यादवलाई पनि कोरोना पोजिटिभ देखिएको छ ।

नेता यादवले शुक्रबार अबेर राती आफ्नो अधिकारी फेसबुक पेज मार्फत उनलाई कोरोना सँक्रमण भएको लेखेका छन् । बीरगँजमा ५०० सैयाको अस्पताल सहित बीरगँजमा कोरोनाको लागि बिज्ञ सहितको टोली पठाउन माग गरेको केही घण्टापछि नै उनलाई पनि कोरोना सँक्रमणको बारे जानकारी आएको बताएका छन् ।

पर्सा जिल्ला क्षेत्र नं. १ बाट प्रतिनीधि सभा सदस्य (संघीय साँसद) समेत रहेका उनले आफूले गराएको पिसिआरपछि कोरोना सँक्रमण देखिएको बताएका छन् । उनले आफ्नो स्वास्थ्यमा कुनै समस्या नदेखिएको पनि उल्लेख गरेका छन् । तर, पिसिआर परीक्षणको क्रममा कोरोना पोजिटिभ आएको भनेर उल्लेख गरेका छन् ।

उनले पिसिआर जाँच गराउदा कोरोना पोजेटिभ देखिएको जानकारी गराउँदै स्वास्थ्यमा कुनै समस्या भने नदेखिएको बताएका छन् । “आफुलाई आइसुलेट गरेर अहिले आराममा छु । आ–आफ्नो घरभित्र आत्मअनिसाशन कायम गर्दै सुरक्षीत रुपमा बस्न, घरबाट अति आवश्यक रूपमा निस्किनु परेमा बिना मस्क लगाइ न निस्किन र समाजिक दुरी कायम राख्न सबैमा यतिबेला बडा गम्भीरतापुर्वक म आग्रह गर्न चाहन्छु । कोरोनामुक्त भएर मेरो प्राणभन्दा प्यारो जनाताको सेवामा चाडैं फर्किने छु ।”– उनले लेखेका छन् ।

बीरगँज महानगरपालिकाका मेयर बिजय सराबगीलाई पनि कोरोना सँक्रमणपछि आईसोलेट भएका छन् । उनी काठमान्डौं स्थित अपार्टमेन्टमा आईसोलेट भएका हुन् ।