नेकपा र काँग्रेसले दलितलाई ठग्ने बाहेक केही गरेन : मन्त्री यादव

न्यूज ब्यूरो, जनकपुरधाम । प्रदेश नं. २ का आर्थिक मामिला तथा योजना मन्त्री विजय कुमार यादवले नेपाल कम्युनिष्ट पार्टी (नेकपा) र नेपाली काँग्रेसले दलितलाई ठग्दै आएको आरोप लगाएका छन् ।

धनुषाधाम क्षेत्रबाट करिब १ हजारको सँख्यामा नेता तथा कार्यकर्ताहरुलाई जनता समाजवादी पार्टीमा प्रवेश गराउँदै मन्त्री यादवले समानुपातिक लोकतन्त्रमा देश प्रवेश गरिसकेपछि काँग्रेस र नेकपाले दलितलाई ठग्ने बाहेक अरु केहि नगरेको आरोप लगाए ।

धनुषाको धनुषाधाम नगरपालिका वडा नं. ३ स्थित गरिएको बृहत भेला तथा पार्टी प्रवेशको क्रममा करिब १ हजारको सँख्यामा कार्यकर्ताहरु जसपामा प्रवेश गरेका हुन् ।

जसपा धनुषाधामका नगर संयोजक बिनोद यादवको अध्यक्षता एवं आर्थिक मामिला तथा योजना मन्त्री बिजय यादवको प्रमुख अतिथ्यमा भएको कार्यक्रममा नेपाली काँग्रेस र नेकपाको पार्टी परित्याग गरी जसपामा प्रवेश गरेका हुन् ।

केन्द्र सरकारको प्रवृतिको कारण प्रदेश सरकारले प्रहरी विधेयक लगायत अन्य विधेयकहरु पनि ल्याउन लागेको र पूर्ण समानुपातिक विधेयक भएकोले केन्द्र सरकारले रोक्न खोजेको आरोप समेत लगाए ।

नेपाली काङ्ग्रेस पार्टी , नेपाल कमिनिस्ट पार्टी, राष्ट्रिय प्रजातन्त्र पार्टी नेपाल प्रतियाग गरि नगरभरिका जनता करिब १ हजारको सँख्यामा जनता समाजवादीमा पार्टी प्रबेश गरेका छ्न । नव प्रबेशी सबै लाई प्रमुख अतिथि गम्छा अबिर लगाए स्वागत गरेका थिए ।

सो क्रममा नगर संयोजक यादवले अहिले काङ्ग्रेस नेकपाका सरकार भ्रष्टाचारमा मात्र लिप्ट रहेको बताए । जनता लागि केही नसोच्ने भएकोले अब जनता जागि सकेको थप्दै आफ्नो पार्टी हरदम २४ औ घण्टा साथमा रहने प्रतिबद्धता जाहिर गरे ।

सो पार्टी प्रवेश कार्यक्रममा प्रदेश सान्सद राम अशिष यादव, जिल्ला अध्यक्ष पशुपती यादव, हंसपुर नगरपालिका मेयर रामज्ञान मण्डल लगायत जिल्ला स्तर देखि केन्द्र स्तर सम्मका नेताहरुको सहभागिता रहेको थियो ।

कोरोनाको महामारीमा स्थानीय प्रशासन र सरकारले कुनै प्रकारको भेला, सभा नगर्न आग्रह गरेपनि जनता समाजवादी पार्टीले त्यसलाई बेवास्ता गर्दै सयौंको सँख्यामा सर्वसाधारणलाई जम्मा गरेको थियो भने प्रशासन मौन बसेको देखियो ।