आजै मध्यरातीदेखि लकडाउन खुल्ने, नेपालमा लकडाउन अन्त्यको घोषणा !

न्यूज ब्यूरो, जनकपुरधाम । कोरोना भाइरसका कारण सरकारले लगाएको चार महिने लकडाउन आजदेखि अन्त्य भएको घोषणा गरिएको छ ।

सरकारले कोरोना महामारी रोकथामका लागि लगाएको लकडाउन अन्त्य भएको बताएको छ । मन्त्रिपरिषदको निर्णय सार्वजनिक गर्न मंगलबार आयोजित पत्रकार सम्मेलनमा सरकारका प्रवक्ता तथा अर्थ र सञ्चार तथा सूचना प्रविधिमन्त्री डा. युवराज खतिवडाले चैत ११ देखि सरकारले लगाएको लकडाउन अन्त्य भएको जानकारी दिएका हुन् ।

गत वर्षको चैत्त ११ गतेदेखि घोषणा गरिएको लकडाउन निरन्तर चार महिनापछि मँगलबार (आज) लकडाउन अन्त्य भएको घोषणा गरेको हो । सवारीको हकमा भने बेग्लै निर्णय गरिएको छ ।

सरकारले लामो दूरीको यातायात भदौ १ गतेदेखि सञ्चालन गर्ने निर्णय गरेको छ । हवाईजहाजमा आन्तरिक तथा बाह्य उडान पनि आउँदो भदौ १ गतेदेखि मात्रै सुचारु हुने बताएको छ ।

सञ्चार तथा सूचना प्रविधि र अर्थमन्त्री डा. युवराज खतिवडाले भदौ १ देखि लामो दूरीको सार्वजनिक यातायात सञ्चालन गर्ने निर्णय गरेको जनाएका छन् ।

यता, होटल साउन १५ गतेबाट होटल तथा रेष्टुरेन्टहरु सञ्चालन गर्न पाइने भएको छ । साउन १५ बाट भने होटल पनि खुल्ने भएका छन् । तर सामूहिक भोज, पार्टीजस्ता गतिविधि गर्न नपाइने पनि जनाइएको छ ।