प्रदेश २ः यी गाउँपालिकाको सबै कामकाज बन्द

न्यूज ब्यूरो, जनकपुरधाम । प्रदेश नं. २ को एक स्थानीय तहको कामकाज बन्द गर्न सुचना जारी गरिएको छ ।

जिल्ला प्रशासन कार्यालय बाराले निषेधाज्ञा जारी गर्दै बाराको देवताल गाउँपालिकाको सम्पुर्ण काम काज बन्द गर्न सूचना जारी गरेको हो ।

कोरोना भाईरसको परीक्षणको लागि देवताल गाँउपालिकामा स्वाब संकलन गरी पिसिआर टेस्ट गर्दा नारायणी अस्पताल बीरगजबाट प्राप्त अभिलेख बमोजिम देवताल गाँउपालिकामा बाट संकलन गरिएका ७४ जना मध्ये १५ महिला र ३५ पुरुष सहित ४६ जनामा कोरोना पोसंक्रमण देखिएपछि बाराका प्रमुख जिल्ला अधिकारी रुद्र प्रसाद पण्डितले एक सूचना जारी गर्दै स्थानिय प्रशासन ऐन २०२८ को दफा ६३ र संक्रामक रोग नियन्त्रण ऐन २०२० को दफा २ बमोजिम देवताल गाउँपालिका भित्र निषेधाज्ञा जारी भएको जानकारी दिएका छन् ।

सूचनामा उल्लेख गर्दै देवताल गाउँपालिकाको कार्यालय तथा वडा कार्यालयहरुबाट प्रदान गरिदै आएको सम्पूर्ण सेवाहरू आज देखि अर्को सूचना जारी नभएसम्मको लागि बन्द गर्न जिल्ला प्रशासन कार्यालय बाराले सूचना जारी गरेको छ । साथै अत्यावश्यक खाद्यान्न , औषधी , ग्याँस , दूध , तेल बाहेकमा अन्य सम्पूर्ण पसलहरु हाटबजार पुर्ण रुपमा बन्द गर्न र अत्यावश्यक कामका बाहेक अन्य नागरिकहरु भेला हुन तथा घर बाहिर निस्कन सूचना मा उल्लेख गरिएको छ ।