भारतीय न्यूज च्यानलहरु बन्द गरेको भन्दै डिसहोम बायकट गर्ने चेतावनी

न्यूज ब्यूरो, जनकपुरधाम । नेपालमा भारतीय समाचार च्यानलहरु बन्द गरेपछि जनकपुरमा विरोध गरिएको छ ।

सरकारले डिसहोमबाट प्रसारण हुने भारतीय समाचार च्यानलहरुमा बन्द गरेको भन्दै जनकपुरका युवाहरु त्यसको विरोध गरेको छ । विहिबार (आज) समाजवादी पार्टीका युवाहरु तथा भातृसंगठनका युवाहरुले जनकपुरमा विरोध प्रदर्शन गरेका छन् ।

नेपालका जनताहरु नेपालमा मात्र नभई भारत सहित विश्वभरि छरिएकाले कुनै पनि सञ्चारको हक खोस्न नहुने भन्दै नेपाल सरकारको यो निति निरंकुश शासनको उदाहरण रहेको जसपाका युवा नेता किसन साहले बताए ।

उनले भने,–“आफुहरुले हेर्दै आएको च्यानलहरु पुनः प्रशारण नभए डिशहोमलाई बहिष्कार गर्ने र यहाँको विक्रेताहरुका साथै अधिकृत विक्रेताहरु सवै शाखाहरु बन्द गर्नेछौं ।”

उनीहरुले समाचार हेर्ने हक भएको भन्दै गलत र मिथ्या समाचार दिने च्यानल उपर कारवाहीको माग गर्नुको सट्टा च्यानल नै बन्द गरेपछि सूचनाको हक खोसेको बताएका छन् ।