कँचनलाई पहिले मुख थुनेर बलात्कार गरे, अनि हत्या गरी झाडीमा फाले !

न्यूज ब्यूरो, जनकपुरधाम । गत असार १७ गते जनकपुरकी ११ बर्षिय बालिका कँचन पँजियारलाई बलात्कार गरी मुख थुनेर मारेको प्रहरीले जनाएको छ ।

आज (सोमबार) पत्रकार सम्मेलन गरी जिल्ला प्रहरी कार्यालय धनुषाले गत असार १७ गते नै उनलाई बलात्कार गरी मारेर फालेको अवस्थामा २ दिनपछि झाडीमा कँचन मृत भेटिएपछि प्रहरीले अनुसन्धान थालेको थियो ।

करिब १ बजेको समयमा जनकपुरधाम उपमहानगरपालिका वडा नं. २१ कुर्था बस्ने ११ बर्षिय कँचन कुमारी पँजियारलाई बलात्कार गरी मुख थुनी मारेर फालेको स्वीकार गरिएको छ ।

सो घटनमा सोही स्थानमा रहेको चौधरी र मिश्र इन्ड्रष्टिजमा करिव विगत ४÷५ महिनादेखि कार्यरत भारतीय नागरिकले बलात्कार गरी मारेको प्रहरीले बताएको छ ।

पत्रकार सम्मेलनमा कँचन भैँसी चराउन जाँदा आपँको लोभ दिएर फकाउँदै बलात्कार गरी मुख थुनी मारेर झाडीमा फालेको स्वीकार गरेको जनाइएको छ । सो इन्ड्रष्टिजमा काम गर्ने भारत देशको उत्तर प्रदेश राज्यको जिल्ला मलिहावाद थाना काकोरी ग्राम पञ्चायत काकोरी वडा नं. ११ पिन नं. ८१३१०९ गाउँ बण्डाखेरा वस्ने अशोक सिंहको छोरा वर्ष ३२ को दिपु सिंह रहेको प्रहरीले जनाएको छ ।

मृतक बालिका उक्त इन्ड्रष्टिजमा आँप टिप्न आउँदा निजले आँप दिन्छु भन्ने प्रलोभन देखाई ललाई फकाई सो इन्ड्रष्टिजको पछाडी पट्टी बगैंचाको एकान्त कुनामा लगी बालिकालाई बलात्कार गरी मुख थुनी हत्या गरी कँचनलाई सोही ठाउँमा लुकाएका थिए ।

त्यसपछि आरोपित सिँहले प्रयोग गर्दै आएको बल्यान्केटमा बेरी असार १८ गते बिहान करिब ३ बजेको समयमा मृत बालिकाको शव सोही नजिकमा दुधमति नदीको पश्चिम साईडको डिलमा रहेको सिकटको झाडीमा फालेको स्वीकार गरेका छन् ।

उक्त बल्यान्केट सो लाश देखि पश्चिम ५० फिट को दुरीमा दिलिप चौधरीको धानबाली खेतमा फालि माथिबाट माटोले पुरीएको अवस्थामा बरामद थियो ।

अभियुक्त दिपु सिंहलाई खोज तलाशको क्रममा असार २१ गते आईतबार १ बजेको समयमा सोही इन्ड्रष्टिजबाट नियन्त्रणमा लिई सोध पुछ गर्दा सो घट्ना निजले आफुले गरेको हुँ भनि स्वीकार गरेको बताइएको छ ।

कँचन असार १९ गते नग्न अवस्थामा झाडीमा फालिएको अवस्थामा मृत भेटाएकी थिइन् । उनको शरिर सडेर गन्हाउन थालेपछि स्थानीयहरुले प्रहरीलाई खवर गरेको थियो । आँप खाने मन भएकी कँचनलाई सिँहले प्रभोलनमा पारी मुख थुनेर बलात्कार गर्दै मारेर फालेको बताइएको छ ।