मिथिलाबिहारीका सेवाग्राहीले सुशासन महसुस गरेको छ : अधिकृत कर्ण

न्यूज ब्यूरो, जनकपुरधाम । धनुषाको मिथिला बिहारी नगरपालिकाका प्रमुख प्रशासकीय अधिकृत बीरेन्द्र लाल कर्ण नगरका आम सेवाग्राही सुशासन महसुस गरेको बताएका छन् ।

रेडियो धनुषको एक कार्यक्रममा बोल्दै अधिकृत कर्णले यहाँका सेवाग्राहीलाई छिटो र छरितो सेवा प्रवाह गर्नको लागि राष्ट्रसेवक कर्मचारीले सुशासनको अनुभूति दिलाउने प्रयास गरेको जीकिर गरेका छन् ।

अधिकृत कर्ण नगरपालिकामा आएदेखि त्यहाँका स्थानीय सेवाग्राहीहरुले कुनै प्रकारको झन्झट बिना द्रुत गतिमा सरकारी काम कारवाही गर्न पाएको प्रतिक्रिया पनि दिएका छन् ।

नगरपालिका भित्रका सबै कर्मचारीहरुको समन्वय सहित स्थानीय जनप्रतिनीधिहरुको विशेष समन्वयका कारण सेवाग्राहीलाई छिटो र छरितो सेवा प्रदान गर्न पाएको उनले बताए ।

उनले भने,–“यहाँ कुनै प्रकारको मतभेद छैन । यहाँका सबै कर्मचारीहरु एक आपसमा समन्वय गर्ने गरिन्छ । कसैलाई कसैले आफ्नो अधिकार क्षेत्रभन्दा बढी ओभरटेक गरेर जाँदैनन् । यहाँका जनप्रतिनीधिहरुमा मेयर साहब, उपमेयर साहब सहित वडाध्यक्ष ज्यूहरुले पनि समन्वय गर्नुहुन्छ । अनि सरकारी काम कारवाही निष्ठा रुपले गर्न पाएका छौं ।”

उनले उपभोक्ता समिति सहित अन्य प्रकारको विकास निर्माणको कार्यहरुको लागि प्रशासनीक कार्यमा पूर्ण तन्दुरुस्तता अपनाएर कार्य गरिने गरेको बताए । अधिकृत कर्ण आएपछि नगरपालिकामा कर्मचारीको तर्फबाट सुशासन महसुस गरिएको स्थानीय विनोद यादवले सुनाए ।