जनकपुरः मधेशी शहिदहरुको स्मरणमा विशाल 'शहिदगेट' बन्दै

न्यूज ब्यूरो, जनकपुरधाम । जनकपुरमा मधेशी सहिदहरुको स्मरणमा विशाल शहिद गेट निर्माण हुने भएको छ । भोली (शनिबार) एक कार्यक्रमबीच शिलान्यास कार्यक्रम राखिएको हो ।

जनकपुरधाम उप–महानगरपालिकाका मेयर लाल किशोर साहले भोली विहान शहीद गेटको शिलान्यास गर्ने कार्यक्रम रहेको छ । शनिबार विहान ७ बजे जनकपुरधाम प्रवेश गर्ने पिराडी चोकमा शिलान्यास गर्ने कार्यक्रम रहेको जनाइएको छ ।

मधेश आन्दोलनमा सहादत दिएका विर शहीदहरुको सम्झनामा सो गेट निर्माण गर्न लागिएको हो । शहीदहरुको सम्मानमा जनकपुरधाम उप–महानगरपालिकाका मेयर लाल किशोर साहको विशेष पहलमा सो गेट निर्माण गर्न लागेको हो ।

साढे ३ करोडको लागतमा निर्माण हुने सो शहीद गेट चालु आर्थिक बर्षमै निर्माण सकिनु पर्ने भएको छ । विशाल शहिद गेट निर्माणको लागि प्राथमिक एनिमेशन फोटो समेत तयार पारिएको हो ।

विभिन्न मधेश आन्दोलनमा सहादत दिएका मधेशभरिका शहिदहरुको स्मरणमा सो शहिदगेट निर्माण गर्न लागिएको हो । गेट प्रवेश लगत्तै शहिदहरुको झझल्को दिइने जनाइएको छ ।