चटयाँगबाट मृत्यू हुने परिवारलाई प्रदेश सरकारको १ लाख, गाउँपालिकाको ५० हजार

न्यूज ब्यूरो, बारा । चट्याङ लागेर ज्यान गुमाएका परिवारलाई प्रदेश सरकारद्वारा १ लाख र फेटा गाउँपालिका ले ५० हजार राहत दिने घोषणा गरेको छ ।

प्रदेश २ सरकारले बारामा चट्याङ लागेर ज्यान गुमाएका मृतकको परिवारलाई १ लाख रुपैंया राहत दिने निर्णय गरेको छ ।

प्रदेश नं. २ सरकारको मन्त्रिपरिषद्कोे अहिले केहि बेर अघि बसेको आकस्मिक बैठकले यस्तो निर्णय गरेको हो । प्रदेश २ सरकारका भौतिक पुर्वाधार विकास मन्त्री जितेन्द्र सोनलले जानकारी दिए ।

“बारामा आज बिहान चट्याङ लागेर ४ जना महिलाले ज्यान गुमाएको दुखद खबर आउने बित्तिकै आकस्मिक बैठक बसेर मृतकका प्रत्येक परिवारलाई एक एक लाख रुपैंया राहत स्वरुप दिने निर्णय भएको हो ।”–मन्त्री सोनलले भने ।

यसका साथै बाराको फेटा गाउँपालिकामा दुई जनाको मृत्यु र ७ जना घाइते भए पछि गाउँपालिकाको आकस्मिक बैठक बसेर राहतको व्यवस्था गरिएको हो ।

फेटा गाउँपालिकाका प्रमुख प्रशासकिय अधिकृत प्राण मेहेताले जानकारी दिए अनुसार आकस्मिक बैठकले मृतक का परिवार लाई ५० हजार दिने निर्णय गरेको छ ।