जनकपुरको बाबा पेट्रोल पम्पले ग्राहक लुटे !

न्यूज ब्यूरो, जनकपुरधाम । जनकपुरको बाबा पेट्रोल पम्पमा आफूखुसी भाउ बढाएर ग्राहकलाई लुटेका छन् ।

नेपाल सरकारले पेट्रोलिय पदार्थको भाउ मँगलबार बढाउने निर्णय गरेसँगै बाबा पेट्रोल पम्पमा दादागिरी गरी १०० रुपैयाँ प्रतिलिटर पेट्रोल बेचेका हुन् ।

यसअघि ९४.५० रुपैयाँ पेट्रोलको भाउ रहेकोमा सरकारले मँगलबार अपरान्ह मूल्य बढाउने निर्णय गरिएसँगै उनीहरुले चर्को मूल्य लिएर ग्राहकलाई लुटेका हुन् ।

सरकारले बुधबारदेखि अर्थात मँगलबार राती १२ बजेदेखि मात्र नयाँ मूल्य लागू हुने गरी निर्णय गरिएपनि बाबा पेट्रोल पम्पले बेलुकी देखि मूल्य बढाएर ग्राहकलाई सास्ती दिएका हुन् ।

सो क्रममा ग्राहकहरुले अहिले नै मूल्य नबढेको तथा बढाएर नलिन आग्रह गरेपनि त्यहाँ रहेका स्टाफले मालिकको आदेशमा मूल्य बढाएर लिएको जवाफ दिएका छन् ।