प्रदेश नं. २ मा सबै उम्मेदवार निर्विरोध निर्वाचित

जनकपुरधाम, १५ माघ । राष्ट्रिय सभा चुनावकाका लागि प्रदेश नं. २ बाट उम्मेदवारी दर्ता गराएका सबै उम्मेदवारहरु निर्विरोध निर्वाचित भएका छन् ।

एकल संक्रमणिय तर्फको ३ सिटका लागि ४ जनाले उम्मेदवारी दिएपछि चुनाव हुने भएको भनिएपनि निर्विरोध निर्वाचन पश्चात चुनाव हुने सम्भावना पनि तुहिएको छ।

मनोयन दर्ता गराएका उम्मेदवारहरुमध्ये आईतवार फिर्ता लिने समयमा नेपाल संघिय समाजवादी पार्टीका उम्मेदवार मो. अख्तर हुसेनले उम्मेदवारी फिर्ता लिएपछि सबै निर्विरोध भएका छन् ।

मो. अख्तरले उम्मेदवारी फिर्ता लिएपछि ३ सिटमा ३ जना मात्र उम्मेदवार भएकाले सबै निर्विरोध निर्वाचित भएको प्रदेश नम्बर २ का मुख्य निर्वाचन अधिकृत राधाकृष्ण उप्रेतीले जनाए ।

उम्मेदवारी दर्ता भएकै दिन अल्पसंख्यबाट वृशेषचन्द्र लाल, ३ जना महिलाहरुमा मुक्ता यादव, शशिकला दहाल र प्रमिला यादव, दलितबाट रामपृत पासमान निर्बिरोध निर्वाचित भएका थिए ।

एकल संक्रमणिय तर्फ रमेश यादव, जितेन्द्र देव र सुमन प्याकुरेल निर्विरोध निर्वाचित भएका छन् ।

निर्वाचन कार्यक्रम अनुसार अन्तिम नामावली सोमवार प्रकाशन गरिने मुख्य निर्वाचन अधिकृत उप्रेतीले जनाए ।

अन्तिम नामावलीको सुचीमा नै निर्बिरोध भएको घोषणा गरिनेछ’ उनले भने, ‘ सबै निर्विरोध भएकाले प्रदेश नम्बर २ मा मतदान गर्नु पर्दैन् ।’

प्रदेश नम्बर २ बाट सघिय समाजवादी फोरम नेपालका रामपृत पासमान र प्रमिला यादव, राष्ट्रिय जनता पार्टीबाट वशेषचन्द्र लाल र रमेश यादव, नेपाली काँग्रेसबाट मुक्ता यादव र जितेन्द्र देव, एमालेबाट सुमन प्याकुरेल र माओवादी केन्द्रबाट शशिकला दाहाल निर्वाचित भएका छन् ।

प्रदेश नम्बर २ मा फोरम, राजपा र नेपाली काँग्रेस तालमेल गरी उम्मेदवारी दिएको थियो ।

नेपाल संघिय समाजवादी पार्टीका उम्मेदवार मो. अख्तरलाई एमालेका नेताहरुले उम्मेदवारी फिर्ता गराएको बताईएको छ ।

अख्तरको कारण एमालेका उम्मेदवार प्याकुरेलको जित सुनिश्चित हुन सकेको थिएन् । काँग्रेस, फोरम, राजपाका सबै मत अख्तरको पक्षमा जाने करिब निश्चित थियो ।

एमाले र माओवादीबाट पनि अख्तरलाई मत पर्ने अनुमान गरिएको थियो ।

एमालेको उम्मेदवारको जित सुनिश्चित नभएपछि उसले अख्तरलाई फिर्ता गराउन पहल गरेको थियो । एमालेका प्याकुरेललाई मधेश विरोधीको रुपमा चिनिन्छन् ।

सप्तरीमा उनले मधेशीहरुलाई दुख दिएको आरोप लाग्दै आएको छ ।

एमालेमा प्याकुरेल अत्यन्त प्रभावशाली मानिएपनि उनी पहिलो पटक राष्ट्रिय सभामा चुनिएका छन् ।

राष्ट्रिय सभा सदस्यको चुनावमा वाम–गठबन्धन र मधेशी दलहरुबीच तालमेल हुन नसकेपछि सबै दलको भागमा २÷२ सिट परेको छ ।वाम–गठबन्धन र मधेशी दलबीच तालमेल भएको भए काँग्रेसले पाएको सिट मधेशी दलको भागमा जाने थियो ।

प्रदेश नम्बर २ मा काँग्रेसले मधेशी दलहरुलाई विश्वासमा लिएपछि अन्य प्रदेशहरुमा समेत उसलाई मधेशी दलको एकल संक्रमणिय मत प्राप्त हुने छ