प्रदेश २ः घरधनीहरुले आधी भाडा मात्र लिने घोषणा, व्यावसायीहरुलाई ठुलो राहत

न्यूज ब्यूरो, जनकपुरधाम । प्रदेश नं. २ र नेपालकै प्रमुख व्यापारिक केन्द्र मानिएको वीरगँजका घरबेटी (घरपट्टी) हरुले आधी भाडा मात्र लिने घोषणा गरेको छ ।

कोरोना महामारीको कारण तिन महिलाको लकडाउन अवधिमा बढी प्रभावित भएका व्यवसायीहरुलाई वीरगंजको आदर्शनगरका घरधनीले राहत स्वरुप आधी भाडा मात्र लिने घोषणा गरेका छन् ।

वीरगँज आदर्शनगर क्षेत्र भित्रका घरधनीले लकडाउन तिन महिनाको लकडाउनका कारण व्यापार गर्न नसकेका व्यवसायीहरुलाई राहत दिने उद्द्येस्यले आधा भाडा लिने घोषणा गरेका हुन् ।

विगत ३ महिना देखी ठप्प रहेको व्यापार र व्यसाय ठप्प हुँदा घर भाडा, बैंकको ऋणलगयातका विषयलाई लिएर व्यवसायीहरु चिन्तित बनेको बेला घरधनीहरुले मानवता देखाएका छन् ।

यसै अवस्थालाई ध्यानमा राखेर घरधनिहरुले भाडा रकमको आधा मात्र लिने निर्णय लिएका छन् । आदर्शनगरका व्यसायीहरुले आधा भाडा लिने निर्णयका कारण यस क्षेत्रका व्यसायीहरुलाई राहत मिलेको छ ।

आदर्शनगर क्षेत्रका घरधनीहरुले घरभाडा माफ गरि प्रस्तुत गरेको उदारहण वीरगंजका अन्य क्षेत्रका घरधनीले पनि प्रस्तुत गर्न सक्नु पर्ने व्यसायीहरुको भनाई छ ।

कोरोना महामारीले उत्पन्न गरेको अवस्थामा सबैले एक अर्कालाई सहयोग गरेर अगाडी बढ्नु पर्ने उनीहरुले सुझाव दिएका छन् ।