सीमामा गोली काण्ड भएपछि मधेश सरकारले भन्यो–“ बोर्डरमा समझदारीले कदम चाल्नु”

न्यूज ब्यूरो, जनकपुरधाम । प्रदेश नं. २ का आन्तरिक मामिला तथा कानुन मन्त्री ज्ञानेन्द्र कुमार यादवले सर्लाही घटनापछि सीमामा खटेका सुरक्षाकर्मीलाई संवेदनशिल हुन आग्रह गरेका छन् ।

गत साता प्रदेश नं. २ को सर्लाहीमा नेपाल भारत बोर्डरमा भएको घटनाप्रति दुःख व्यक्त गर्दै दुवै तर्फका सुरक्षाकर्मीहरु संवेदनशि हुन आग्रह गरेका छन् ।

मन्त्री यादवले एक प्रेस विज्ञप्ति जारी गर्दै परिस्थितिलाई मध्यनजर गरी दुवै तर्फको सुरक्षाकर्मीहरुले सँयमता अपनाउन तथा कुन कदम समझदारीका साथ चाल्न आग्रह गरेका हुन् ।

घटनापछि भारतीय मिडियाहरुले गरेको गलत प्रचारवाजीका कारण भारतीय पक्षका आम नागरिकहरुको समेत धारणा बदलिएको देखिएको छ । केही भारतीय नागरिकहरु बलपूर्वक नेपाल पस्न खोज्दा तथा सुरक्षाकर्मीको हतियार समेत खोसेपछि आत्मरक्षाको लागि नेपालका सुरक्षाकर्मीले गोली चलाएको थियो ।

सो क्रममा प्रहरीको गोली लागेर एक जनाको मृत्यू भएपछि सीमामा बस्ने नागरिकहरुमा केही तनाव उत्पन्न भएको देखिएपछि मन्त्री यादवले भारतसँगरको बेटी रोटीको सम्बन्धलाई नबिगार्न आग्रह गरेका हुन् ।