प्रदेश २ का महान्यायधिवक्ता दीपेन्द्र झालाई नै 'चोर धोती' भनेपछि...

न्यूज ब्यूरो, जनकपुरधाम । प्रदेश नं. २ का महान्यायधिवक्ता दीपेन्द्र झाले प्रतिनीधिसभा सदस्य (साँसद) सरिता गिरीको घरमा भएको आक्रमणको बारेमा लेख्दा चोर र धोती भनेर टिप्पणी गरिएको छ ।

आज (बुधबार) बेलुकी ८ बजेर ३६ मिनेटमा राखिएको ट्वीटमा हरिश खत्री नामक एक व्यक्तिले महान्यायधिवक्ता झालाई चोर र धोती भनेर कमेन्ट सहित रि–टवीट गरेको देखिएको छ ।

झाले आफ्नो टवीटरमा – “सँसदमा आफनो विचार स्वतन्त्रपूर्वक राखेकै आधारमा मा। सरीता गीरीको घरमा आक्रमण हुनु खेदजनक कार्य हो।यसता हिंसात्मक कार्य रोक्न आग्रह गर्दछु।यो घटनामा संलगन सम्मपूर्ण माथि तत्काल कारवाही होस्।सँसद फरक विचारहरु राख्नकै लागि वनाइएको हो।भाषा र विचार माथिको बन्देज स्वीकार्य हुन सक्दैन ।” भनेर लेखेका हुन् ।

सोही टवीट पोष्टमा हरिस खत्री नामक एक व्यक्तिले –“नेपालको सार्वभौमसत्ता, राष्ट्रियता र स्वाधिनता खलल पार्ने सरिता गिरी लगायत तिमिहरु जस्ता चोर धोतीहरुलाई देश निकाला गर्नु बाहेक कुनै उपाय छैन ।” भनेर टिप्पणी समेत गरिदिएको देखिएको छ ।

यद्यपी, एक जनाले कानुनी कारवाही हुने भनेर टिप्पणीको जवाफ लेखेपछि उनले त्यो रिटवीट डिलिट गरिदिएको देखिएको छ ।

सदैव मधेशी समुदाय उपर हुँदै आएको विभेद र नाकारात्मक टिकाटिप्पाीलाई कानुनी प्रावधान मिलाउने महान्यायधिवक्ता झा उपर नै यसरी कमेन्ट गरेपछि मधेशी समुदाय उपरको सोंच झल्एिको देखिएको छ ।