भ्रष्टाचारी मन्त्री पोषने मुख्यमन्त्रीले पनि राजीनामा दिनुपर्छ : साह

न्यूज ब्यूरो, रौतहट । नेकपाका युवा नेता चन्द्र भूषण साहले प्रदेश नं. २ का मुख्यमन्त्री मो. लालबाबू राउतले राजिनामा दिनुपर्ने बताएका छन् ।

आफ्नो आधिकारिक फेसबुक एकाउंटबाट प्रदेश २ का भूमि व्यवस्था, कृषि तथा सहकारी मन्त्रालयको मन्त्रीहरु निरन्तर एकपछि अर्को भ्रष्टाचारजन्य गतिविधिमा संलग्न देखिदै आएको भन्दै मुख्यमन्त्रीको पनि राजीनामा माग गरेका हुन् ।

पछिल्लो समय झन स्वयं राज्यमन्त्री योगेन्द्र राय यादव स्पष्ट रुपमा भ्रष्टाचार बारे बोलिरहेको गोप्य अडियो सार्वजनिक हुदाँ समेत निज मन्त्रीहरुलाई कार्यवाही गर्न नसक्ने निरीह, लाचार एवं असक्षम मुख्यमन्त्री राउतलाई पनि अबको उपरान्त आफ्नो पदमा बसीरहनुको कुनै तुकरऔचित्य नरहेको जीकिर गरेका छन् ।

उनले यसरी खुल्लमखुल्ला भ्रष्टाचारी पोसने निकम्मा मुख्यमन्त्रीले पनि नैतिकताको आधारमा अब राजीनामा दिनुपर्ने माग अघि सारेको छ ।

“आफैले नेतृत्व गरेको सरकार भित्रको राज्यमन्त्री स्वयं आफैं बोलिरहेको स्पष्ट अडियो चौतर्फी भाईरल भई सम्बन्धित पक्षले स्वीकार समेत गरिसक्दा पनि कार्वाही गर्न नसक्ने निरीह, लाचार एवं असक्षम मुख्यमन्त्री लालबाबू राउत पनि आफ्नो पदमा रहिरहनुको अब कुनैपनि तुकरऔचित्य छैन ।”– उनले भनेका छन् ।