कैदी बन्दी सरोकार मञ्चद्धारा प्रदेश २ भरि वृक्ष रोपिए

न्यूज ब्यूरो, जनकपुरधाम । पर्यावरण दिवसको अवसर पारेर प्रदेश नं. २ को ८ वटै जिल्लामा वृहत रुपमा वृक्षारोपण गरिएको छ ।

प्रत्येक वर्ष जुन ५ का दिन विश्वव्यापी रुपमा मनाइने विश्व पर्यावरण दिवसको अवसर पारेर धनुषा, महोत्तरी, सिरहा, सप्तरी, रौतहट, बारा, सर्लाही र पर्सा जिल्लामा एक साथ वृक्षारोपण गरिएको हो ।

मानव अधिकार एवं कैदी बन्दी न्यायिक सरोकार मञ्च प्रदेश २ को आयोजनामा राष्ट्रिय युवा सञ्जालको समन्वय र जिल्ला बन बिभागको सहयोगमा प्रदेश २ को आठ वटै जिल्लामा वृक्षारोपण गरि विश्व पर्यावरण दिवस मनाइएको हो ।

पर्यावरण दिवसको अवसरमा मञ्चका पदाधिकारीहरु जनकपुर स्थित रहेको आमाको माया छात्रावास (वृद्धाश्रम) मा वृक्षारोपण गरेका छन् ।

प्रदेश नं. २ का प्रदेश सांसद एवं स्वच्छता अभियानी रामअशिष यादवको विशेष उपस्थितिमा पर्यावरण दिवसमा प्रदेशभरि वृक्ष रोपिएको हो ।

मञ्चका केन्द्रिय सहसचिव अभिषेक अग्रवाह, समाजसेवी प्रभु दयाल जालान सहितको उपस्थितीमा वृक्षारोपण कार्यक्रम गरिएको छ । साथै वृक्षारोपण कार्यक्रममा मञ्च, सञ्जाल र विभागका समेत प्रतिनिधीहरुको सहभागिता रहेको थियो ।